បញ្ជាការដ្ឋាននៃកងទ័ពជាតិ អ៊ុយក្រែន បាននិយាយថា កងកម្លាំងរបស់ប្រទេសនេះ សម្លាប់ ទាហានរុស្ស៊ី បានប្រហែល ៥០ នាក់ ទន្ទឹមនឹងការវាយរុញច្រានទ័ពឈ្លានពានទៅក្នុងទីរួមស្រុកមួយនៅកណ្ដាលសមរភូមិ ជាទីប្រយុទ្ធគ្នារវាយកងកម្លាំងផ្ដាច់ខ្លួនដែលគាំទ្រដោយ រុស្ស៊ី និង កងទ័ពជាតិអ៊ុយក្រែន។
«Shchastya កំពុងស្ថិតក្នុងការគ្រប់គ្រង។ ទាហានរុស្ស៊ី ចំនួន ៥០ នាក់ ត្រូវបានសម្លាប់។ យន្តហោះរុស្ស៊ី មួយគ្រឿងទៀត ត្រូវបានកម្ទេចនៅ តំបន់ Kramatorsk។ នេះគឺជាយន្តហោះទី ៦ ដែលត្រូវបានកម្ទេច» បញ្ជាការដ្ឋាននៃ កងទ័ពជាតិអ៊ុយក្រែន បានបង្ហោះសារនេះនៅលើ Twitter កាលពីប៉ុន្មាននាទីមុននេះ។
ភាគីខាង រុស្ស៊ី មិនទាន់មានការបញ្ជាក់អំពីការអះអាងរបស់ បញ្ជាការដ្ឋាននៃ កងទ័ពជាតិអ៊ុយក្រែន នៅឡើយ។
