បន្ទាប់ពី រុស្ស៊ី បានប្រកាស និងចាប់ផ្ដើមចូលឈ្លានពានប្រទេសអ៊ុយក្រែន ប្រជាជននៅប្រទេសនេះ ប្រញាប់ប្រញាល់នាំគ្នាទៅដកប្រាក់ពីធនាគារ ចាក់ប្រេងសាំង និងស្វែងរកកន្លែងសុវត្ថិភាព។
ទិដ្ឋភាពស្ងប់ស្ងាត់ខុសពីធម្មតា នៅ រដ្ឋធានី Kiev ប្រទសអ៊ុយក្រែន កាលពីព្រឹកមិញ ក្នុងគ្រា ប្រធានាធិបតីរុស្ស៊ី លោក ពូទីន បានប្រកាសបើកយុទ្ធនាការយោធាចូលលុកលុយ អ៊ុយក្រែន។
ក្រោយការប្រកាសរបស់លោក ពូទីន ប្រជាជនក្នុងទីក្រុង Kiev របស់ អ៊ុយក្រែន ក៏ប្រញាប់នាំគ្រួសារចាកចេញទៅក្រៅក្រុងតាមច្រកខាងលិចនៃរដ្ឋធានី។
ប្រជាជនខ្លះក៏នាំគ្នាធ្វើដំណើរតាមរថភ្លើងក្រោមដី ដើម្បីចាកចេញពីទីក្រុងរបស់ អ៊ុយក្រែន ក្នុងគ្រាស្នូរគ្រាប់ផ្ទុះលាន់កងរំពងពាសពេញប្រទេស។ អ្នកខ្លះក៏មានការសោកស្ដាយ និងព្រួយបារម្ភអំពីសុវត្ថិភាពក្រុមគ្រួសារ និងញាតិសន្ដានរបស់ពួកគេ។
