បញ្ជាការដ្ឋាននៃកងទ័ពរបស់ អ៊ុយក្រែន បានឱ្យដឹងថា ប្រធានាធិបតី Zelensky បានបញ្ជាឱ្យកងទ័ព «បង្កការខូចខាតធ្ងន់ធ្ងរបំផុត» ប្រឆាំងនឹងការឈ្លានពានពី កងទ័ពរុស្ស៊ី។
ប៉ុន្មាននាទីមុននេះ កងទ័ពអ៊ុយក្រែន ក៏បានឱ្យដឹងថា ពួកគេកំពុងប្រយុទ្ធយ៉ាងខ្លាំងក្លា ជាមួយនឹងសត្រូវ។ «នៅតំបន់មួយចំនួន កងទ័ពរុស្ស៊ី ត្រូវបានវាយរុញច្រានឱ្យដកថយ» Mykhailo Podoliak ទីប្រឹក្សារបស់ ប្រធានាធិបតីអ៊ុយក្រែន អះអាងដូច្នេះ។
ក្រុមមន្ត្រីអ៊ុយក្រែន ឱ្យដឹងដែរថា កងទ័ពរុស្ស៊ី ភាគច្រើនវាយប្រហារសំដៅលើហេដ្ឋារចនាសម្ព័ន្ធយោធា និងរូងសម្ងាត់ ហើយព្យាយាមរុលចូលបាន ៥ គីឡូម៉ែត្រ ពីព្រំដែន។ ចំណែកកម្លាំងការពារព្រំដែនបាននិយាយថា ទាហានអ៊ុយក្រែន ៣ នាក់បានស្លាប់។
https://www.youtube.com/watch?v=fqinYMAD8Og