កងកម្លាំងប្រដាប់អាវុធនៃសាធារណរដ្ឋប្រជាមានិត Luhansk (LPR) ប្រកាសថា ខ្លួនបានបាញ់ទម្លាក់យន្តហោះចម្បាំង Su-២៤ ចំនួន ២ គ្រឿង របស់ កងទ័ពរដ្ឋាភិបាលអ៊ុយក្រែន នៅក្បែរភូមិ Smeloe និង Stepovoye ក្នុងតំបន់ Donbass។
ក្រៅពីនេះ ពួកគេក៏បានអះអាងថា យន្តហោះគ្មានមនុស្សបើក (UAV) Bayraktar TB2 ២ គ្រឿងទៀត ក៏ត្រូវបានបាញ់ធ្លាក់ពីអាកាសនៃទីក្រុង Shchastia ក្នុងតំបន់ Luhansk ផងដែរ។
ព័ត៌មាននេះត្រូវបានប្រកាសបន្ទាប់ពី អ៊ុយក្រែន បាននិយាយថា កងទ័ពជើងគោករបស់ រុស្ស៊ី បានចូលឈ្លានពានទឹកដីរបស់ខ្លួនកាលពីព្រឹកមិញ។
ក្រសួងការពារជាតិអ៊ុយក្រែន មិនទាន់បានបញ្ចេញប្រតិកម្មអ្វីទៅនឹងការអះអាងខាងលើរបស់ក្រុមផ្ដាច់ខ្លួនដែលគាំទ្រដោយ រុស្ស៊ី នៅឡើយ។
