កងកម្លាំងការពារព្រំដែនរបស់ អ៊ុយក្រែន បានប្រាប់ថា ក្បួនយោធារុស្ស៊ី បានឆ្លងកាត់ព្រំដែន និងបានចូលមកកាន់ទីក្រុង Chernigov, Kharkov ក៏ដូចជាតំបន់ Luhansk របស់ប្រទេសនេះ។
សមាជិកនៃក្រុមផ្ដាច់ខ្លួននៅ អ៊ុយក្រែនខាងកើត បានឱ្យដឹងថា ពួកគេវាយដណ្ដើមកាន់កាប់បានទីរួមស្រុកចំនួន ២ នៅក្នុងខេត្ត Luhansk ពីដៃកងទ័ពរបស់ រដ្ឋាភិបាលអ៊ុយក្រែន។
នៅក្នុងការវាយប្រយុទ្ធគ្នារវាង ក្រុមផ្ដាច់ខ្លួន និង កងទ័ពអ៊ុយក្រែន កាលពីព្រឹកមិញនេះ បានបណ្ដាលឱ្យមានមនុស្សស្លាប់យ៉ាងតិច ៧ នាក់ និងរបួស ៩ នាក់ នៅក្នុងតំបន់ភាគខាងកើតរបស់ អ៊ុយក្រែន។ ការស្លាប់នេះបានកើតឡើងដោយសារគ្រាប់កាំភ្លើងធំរបស់ រុស្ស៊ី។
