រដ្ឋមន្ត្រីការពារជាតិរុស្ស៊ី ប្រកាសថា មូលដ្ឋានទ័ពអាកាសរបស់ អ៊ុយក្រែន ត្រូវបាន កងទ័ពរុស្ស៊ី បិទខ្ទប់ ទន្ទឹមនឹងនេះ រុស្ស៊ី ក៏បានកាត់បន្ថយមួយភាគធំនៃសមត្ថភាពប្រយុទ្ធរបស់កងកម្លាំងការពារដែនអាកាសនៃប្រទេសនេះផងដែរ។
រូបភាពនៅលើបណ្ដាញសង្គមបង្ហាញថា មូលដ្ឋាន Kulbakino ដែលជាទីតាំងរបស់កងកម្លាំងយន្តហោះគ្មានមនុស្សបើក (UAV) TB-2 របស់ កងទ័ពអ៊ុយក្រែន បានឆាបឆេះយ៉ាងសន្ធោសន្ធៅ។
មុននោះ ភាគីខាង អ៊ុយក្រែន ក៏បាននិយាយថា កងទ័ពរបស់ខ្លួន បានបាញ់ទម្លាក់យន្តហោះមួយគ្រឿងរបស់ រុស្ស៊ី។ ប៉ុន្តែ ព័ត៌មានលម្អិត មិនទាន់ត្រូវបានគេបង្ហើបឱ្យដឹងនៅឡើយ។
