ចាប់ពីថ្ងៃទី ២១ កុម្ភៈ ២០២២ ប្រទេសអូស្ត្រាលី នឹងបើកព្រំដែនឡើងវិញដើម្បីទទួលភ្ញៀវទេសចរណ៍បរទេស បន្ទាប់ពីបានបិទអស់រយៈពេល ២ ឆ្នាំ ដើម្បីអនុវត្តវិធានការទប់ស្កាត់ជំងឺរាតត្បាតសកលកូវីដ-១។
«លក្ខខណ្ឌតម្រូវដើម្បីអាចចូលទឹកដី អូស្ត្រាលី បានគឺត្រូវចាក់វ៉ាក់សាំងបាន ២ ដូស» នាយករដ្ឋមន្ត្រីអូស្ត្រាលី Scott Morrison ប្រកាសដូច្នេះ។
មេដឹកនាំអូស្ត្រលី ថ្លែងថា ដោយសារតែ អូមីក្រុង បានបង្ហាញវត្តមាននៅ អូស្ត្រាលី ដូច្នេះអ្នកដែលបានចាក់វ៉ាក់សាំងពេញលេញក៏មិនបង្កហានិភ័យធ្ងន់ធ្ងរបន្ថែមទៀតដល់ប្រជាជននៅប្រទេសនេះ។
អ្នកទេសចរណ៍បរទេសដែលមិនទាន់បានចាក់វ៉ាក់សាំងពេញលេញ នឹងត្រូវគោរពតាមការកំណត់លើការធ្វើចត្តាឡីស័ករបស់រដ្ឋ និងតំបន់នីមួយៗនៅ អូស្ត្រាលី។
បន្ទាប់ពីបានអនុញ្ញាតឱ្យ ពលរដ្ឋអូស្ត្រាលី វិលចូលស្រុកវិញចាប់ពីខែមីនា ២០២០ រដ្ឋាភិបាលអូស្ត្រាលី បានបើកទ្វារព្រំដែនឡើងវិញទៅតាមដំណាក់កាល។
គិតមកដល់ព្រឹកថ្ងៃទី ៧ កុម្ភៈ អូស្ត្រាលី បានរកឃើញអ្នកវិជ្ជមាននឹងកូវីដ-១៩ សរុបចំនួន ២.៧ លានករណី ក្នុងនោះមានជាង ៤,០០០ នាក់ បានបាត់បង់ជីវិត៕
