ហ្វ៊ីលីពីន នឹងឈប់ធ្វើបច្ចុប្បន្នភាពប្រចាំថ្ងៃជាសាធារណៈ ស្ដីពីតួលេខនៃករណីឆ្លង និងករណីស្លាប់ដោយសារជំងឺ កូវីដ-១៩ របស់ប្រទេសនេះ បំណងឆ្ពោះទៅគោលដៅចាត់ទុក កូវីដ-១៩ ជាជំងឺរាតត្បាតអសកល។
ការផ្លាស់ប្ដូរខាងលើ ត្រូវបានលើកឡើងក្នុងគ្រាដែលប្រទេសនេះ ទើបតែបានរកឃើញករណីឆ្លង វ៉ារ្យ៉ង់ អូមីក្រុង ទី ៤ ក៏ដូចជាការព្រមានរបស់ក្រុមអ្នកជំនាញ អំពីរលកនៃការឆ្លងរាលដាលថ្មី។
យោងតាមប្រកាសកាលពីថ្ងៃទី ២៧ ធ្នូ របស់អនុរដ្ឋមន្ត្រីក្រសួងសុខាភិបាល Maria Rosario Vergeire រាល់ព័ត៌មានស្ដីពីតួលេខនៃករណីឆ្លង ករណីស្លាប់ និងអត្រាអ្នកជំងឺត្រូវចូលពេទ្យ នៅតែត្រូវបានធ្វើបច្ចុប្បន្នប្រចាំថ្ងៃនៅលើគេហទំព័ររបស់ក្រសួងសុខាភិបាលហ្វ៊ីលីពីន។ ប៉ុន្តែ ចាប់ពីថ្ងៃទី ១ មករា ២០២២ ទិន្នន័យទាំងនេះនឹងលែងត្រូវបានផ្សាយប្រចាំថ្ងៃនៅលើទំព័រសារព័ត៌មាន ក៏ដូចជាបណ្ដាញសង្គម។
ហ្វ៊ីលីពីន សិង្ហបុរី និងប្រទេសជាច្រើននៅ អឺរ៉ុប កំពុងផ្ដោតទៅលើទិន្នន័យស្ដីពីអ្នកជំងឺកូវីដ-១៩ ត្រូវចូលពេទ្យ ជាជាងតួលេខសរុបនៃករណីឆ្លង នៅក្នុងស្ថានការណ៍ដែលពួកគេកំពុងងាកទៅចាត់ទុក កូវីដ-១៩ ជាជំងឺរាតត្បាតអសកល ឬជំងឺរាតត្បាតតាមតំបន់៕
