ប្រធានាធិបតីចិន បានសន្យាថា នឹងផ្ដល់ជំនួយជាវ៉ាក់សាំងបង្ការជំងឺកូវីដ-១៩ ចំនួន ១,០០០ លានដូស និងផ្ដល់ប្រាក់កម្ចី ១០ ពាន់លានដុល្លារ ដល់បណ្ដាប្រទេសនៅ ទ្វីបអាហ្វ្រិក។
ការសន្យាផ្ដល់វ៉ាក់សាំង ១,០០០ លានដូសនេះ ត្រូវបានលោក ស៊ី ជីនពីង លើកឡើងនៅក្នុងសន្ទរកថាតាមរយៈប្រព័ន្ធវីដេអូ ក្នុងកិច្ចប្រជុំកំពូល ទ្វីបអាហ្វ្រិក-ចិន នៅទីក្រុង Diamniadio របស់ Senegal កាលពីម្សិលមិញ។
អត្រានៃការចាក់វ៉ាក់សាំងនៅ ទ្វីបអាហ្វ្រិក នៅតែទាបជាង បើធៀបនឹងតំបន់ផ្សេង។ ប្រទេសជាច្រើនរបស់ទ្វីបនេះ រំពឹងទាំងស្រុងទៅលើជំនួយពីបរទេស ដោយសារតែពុំមានមូលដ្ឋានផលិតវ៉ាក់សាំងផ្ទាល់ខ្លួន និងមិនអាចទិញវ៉ាក់សាំងក្នុងបរិមាណច្រើន ដោយសារបញ្ហាហិរញ្ញវត្ថុ៕
