ច្រមុះ ជាអវយវៈម្យ៉ាងដែលស្ថិតនៅលើផ្ទៃមុខរបស់មនុស្សយើង ដែលបំពេញតួនាទីរបស់ជីវិតដ៏សំខាន់ មានសម្ព័ន្ធភាពរវាងការទទួលដឹងក្លិន និងសុខភាពជារួម។ សម្ព័ន្ធភាពដែលថានេះ បានបង្ហាញឱ្យឃើញតាមរយៈចំនួនក្លិនដែលច្រមុះបានដឹង។ អត្ថបទនេះនឹងធ្វើឱ្យមិត្តអ្នកអានបានដឹងពាក់ព័ន្ធនឹងរឿងពិត 5យ៉ាងរបស់ច្រមុះ និងការទទួលដឹងក្លិនដែលអាចធ្វើឱ្យលោកអ្នកនឹងចម្លែកចិត្តមិនខាន។
រឿងពិតទី 1 ៈ មនុស្សយើងអាចញែកក្លិនដែលខុសប្លែកគ្នាបានយ៉ាងតិច 1លានក្លិន
ការសិក្សាស្រាវជ្រាវកាលពីពេលថ្មីៗនេះពីមហាវិទ្យាល័យ រ៉ក់គី ហ្វេលលើរ៍ សហរដ្ឋអាមេរិក បានឱ្យដឹងថា មនុស្សយើងអាចហិតក្លិនដែលប្លែកៗពីគ្នាបាន យ៉ាងតិច 1លានក្លិន។ អ្នកវិទ្យាសាស្រ្តបានអធិប្បាយថា នៅពេលក្លិនចូលទៅក្នុងច្រមុះ ក្លិននឹងធ្វើដំណើរឆ្ពោះទៅរន្ធច្រមុះផ្នែកខាងលើ ចូលទៅចង្អូរទទួលក្លិន ដែលកោសិកាប្រសាទទទួលក្លិននៅក្នុងទីនោះ មានតួទទួលក្លិនដ៏ច្រើន ដែលអាចពិនិត្យចាប់ក្លិនផ្សេងៗពីគ្នា។ ពេលសរសៃប្រសាទត្រូវបានជំរុញ វានឹងបញ្ជូនសញ្ញាទៅខួរក្បាល ដែលធ្វើឱ្យកើតក្លិនដោយឡែកដែលអាចពិនិត្យចាប់បាន ដូចជា ក្លិនវ៉ានីលឡា ក្លិនក្រូចក្នុងរូបបែបមួយចំនួន ក្លិនប្រហើរ និងក្លិននំឃុកគីស្ថិតនៅក្នុងក្រុមក្លិនដែលប៉ងប្រាថ្នាខ្លាំងបំផុត។
រឿងពិតទី 2 ៈ លោកអ្នកអាចដឹងក្លិនក្ដីភ័យខ្លាច និងក្ដីស្អប់ខ្ពើម
តាមរយៈការស្រាវជ្រាវកាលពីឆ្នាំ2012 យើងអាចដឹងក្លិនក្ដីភ័យខ្លាច និងស្អប់ខ្ពើមតាមរយៈញើស ហើយអាចដឹងពីអារម្មណ៍បែបដូចគ្នាបាន។ មានការប្រមូលគំរូញើសពីមនុស្សប្រុសខណៈពេលមានអារម្មណ៍ភ័យខ្លាច និងស្អប់ខ្ពើម បន្ទាប់ពីនោះ អ្នកស្រាវជ្រាវបានឱ្យក្រុមអ្នកសាកល្បងដែលជាស្រ្តី ហិតក្លិនគំរូញើសដោយមិនឱ្យដឹងខ្លួន និងចាំសង្កេតមើលការធ្វើចលនាកែវភ្នែក និងការបញ្ចេញទឹកមុខ។ តាមរយៈការសង្កេតលទ្ធផលការស្រាវជ្រាវបានរកឃើញថា ស្រ្តីដែលធំក្លិន “ញើសនៃក្ដីភ័យខ្លាច” បានបើកភ្នែកធំៗ ដែលបង្ហាញពីក្ដីភ័យខ្លាច និងក្រុមស្រ្តីដែលធំក្លិន “ញើសនៃក្ដីស្អប់ខ្ពើម” ក៏សម្ដែងទឹកមុខដែលបង្ហាញពីក្ដីស្អប់ខ្ពើមដូចគ្នា។
រឿងពិត ទី 3 ៈ ច្រមុះជាអ្នកកំណត់សំឡេង
សំឡេងកើតឡើងនៅក្នុងប្រអប់សំឡេង តែយ៉ាងណាក៏ដោយ សំឡេងនោះគ្រាន់តែជាសំឡេងដែលបន្លឺឡើងស្រាលៗ ហើយសំឡេងដែលយើងបានឮពីអ្នកដទៃពេលពួកគេនិយាយ ឬច្រៀង ភាគច្រើនសម្ព័ន្ធជាមួយគ្រោងសាងដែលញ័ររញ្ជួយនៅក្រោមបំពង់ក និងច្រមុះ។ វិធីដែលសំឡេងត្រូវសាងចេញមកពីលើប្រអប់សំឡេង គឺបច្ច័យដែលកំណត់ភាពក្រអៅក្រអួនរបស់សំឡេង កម្មវិធីនេះកើតឡើងនៅក្នុងច្រមុះ និងបំពង់ក។ អ្នកដែលកើតជំងឺគ្រុនផ្ដាសាយ ឬជំងឺប្រតិកម្មចាញ់ និយាយដោយសំឡេងដែលឡើងទៅច្រមុះ ដោយសារតែខ្យល់អាកាសមិនអាចឆ្លងកាត់ចេញមកខាងច្រមុះបាន ធ្វើឱ្យបាត់បង់ការខ្ទរសំឡេងក្នុងប្រហោងច្រមុះ។ សៃណឹស ដែលជាគ្រោងសារដែលពេញទៅដោយខ្យល់អាកាសដែលនៅក្នុងក្បាល មានសម្ព័ន្ធភាពយ៉ាងជិតស្និទ្ធជាមួយច្រមុះ ព្រោះសៃណឹសជាផ្នែកដែលសំខាន់ក្នុងខ្ទរតបរបស់សំឡេង។
រឿងពិតទី 4 ៈ មនុស្សស្រីមានការទទួលក្លិនល្អជាងមនុស្សប្រុស
អ្នកវិទ្យាសាស្រ្តបានឱ្យដឹងថា មនុស្សស្រីមានការទទួលក្លិនល្អជាង និងមានការញែកក្លិនល្អជាងមនុស្សប្រុស។ ហេតុផលមួយដែលអធិប្បាយអំពីរឿងនេះ អាចដោយសារតែមនុស្សស្រីមានខួរក្បាល Cortex ស្រទាប់ថ្ងាសផ្នែកខាងមុខ( Orbital Prefrontal)ដែលអភិវឌ្ឍខ្លាំងជាង។ ចំណុចមានប្រៀបជាងនេះ ធ្វើឱ្យស្រ្តីមានសមត្ថភាពក្នុងការស្វែងរកមនុស្សដែលនឹងក្លាយជាគូគ្រងដែលល្អបំផុតបាន និងមានភាពពាក់ព័ន្ធ រួមទាំងយល់ដឹងជាមួយទារកល្អជាងទៀតផង។
រឿងពិតទី 5 ៈ ការទទួលក្លិនដែលថយចុះ អាចទស្សន៍ទាយបានពីការស្លាប់ក្នុងពេលឆាប់ៗសម្រាប់មនុស្សចាស់
តាមរយៈការសិក្សាស្រាវជ្រាវកាលពីពេលថ្មីៗនេះ អ្នកដែលមានសមត្ថភាពក្នុងការដឹងក្លិនថយចុះ អាចជារឿងដែលធ្វើឱ្យអាចទស្សន៍ទាយបានអំពីការស្លាប់ក្នុងរយៈពេល 5ឆ្នាំ។ ការសិក្សាស្រាវជ្រាវនេះបានដំណើរការជាមួយក្រុមអ្នកសាកល្បងដែលជាជនជាតិអាមេរិកាំងចំនួនជាង 3,000នាក់ដែលមានអាយុចាប់ពី 57 ដល់ 85ឆ្នាំ អ្នកស្រាវជ្រាវរកឃើញថា អ្នកដែលមិនអាចដឹងក្លិនផ្សេងៗបាន ដូចជាក្លិនផ្កាកុលាប ក្លិនក្រូច និងក្លិនពេបពើមិនត៍ មានភាពប្រថុយប្រថានខ្ពស់ដល់ 3ដងក្នុងស្លាប់ក្នុង 5ឆ្នាំខាងមុខ៕
