យ៉ាអួ(ទឹកដោះគោជូរ)គឺជាអាហារមួយប្រភេទដែលល្អចំពោះសុខភាពមនុស្សយើង ដោយយើង(ជាពិសេសស្រ្តី)អាចទទួលទានច្រើនប៉ុនណាក៏បាន ឬអាចនឹងដាក់បញ្ចូលទៅក្នុងអាហារគ្រប់ពេលរបស់យើងក៏បាន ដែលក្រៅពីវាមានរសជាតិដ៏គួរឱ្យឆ្ងាញ់ជាប់ចិត្តហើយនោះ វានៅមានប្រយោជន៍ចំពោះសុខភាពរាងកាយយ៉ាងច្រើនទៀតផង។
ខាងក្រោមនេះគឺ 5ហេតុផលដែលរៀបរាប់ថា ហេតុអ្វីបានជាលោកអ្នក(ជាពិសេសនារីៗ)ត្រូវតែទទួលទានយ៉ាអួ…អានចប់ហើយ ប្រញាប់ទៅរកទិញយ៉ាអួញ៉ាំតែម្ដង!
1 . យ៉ាអួសាងប្រព័ន្ធការពារជំងឺ
យ៉ាអួជួយបង្កើនសមត្ថភាពរបស់ប្រព័ន្ធការពារជំងឺក្នុងរាងកាយរបស់យើង និងថែមទាំងទៅជួយការពារ ឬសម្រាលអាការគ្រុនផ្ដាសាយ ជំងឺខាងប្រព័ន្ធដកដង្ហើម រោគស្លេកស្លាំង ជំងឺក្រលៀន រោគថ្លើម ជំងឺបេះដូង និងដំបៅនៅក្នុងក្រពះបានយ៉ាងល្អប្រសើរទៀតផង។
2 . យ៉ាអួជួយសម្រកទម្ងន់
ការទទួលទានយ៉ាអួជាប្រចាំ នឹងអាចជួយសម្រកទម្ងន់ដែលលើស(ស័ក្តិសមចំពោះនារីៗណាដែលចង់សម្រកទម្ងន់) និងសម្រាលអាការឈឺពោះរបស់យើងបាន។
3 . យ៉ាអួមានប្រយោជន៍ចំពោះសុខភាពនារីច្រើនណាស់
តាមរយៈការសិក្សាស្រាវជ្រាវបានបង្ហាញឱ្យឃើញថា សុភាពនារីណាដែលទទួលទានយ៉ាអួជាប់ជាប្រចាំចំនួន 4កែវក្នុងមួយសប្ដាហ៍ នឹងជួយធ្វើឱ្យរាងកាយអាចប្រឆាំងតតាំងនឹងមេរោគផ្សិត និងការឆ្លងមេរោគនៅក្នុងរន្ធស្បូន ព្រមទាំងថែរក្សាសភាពជាអាស៊ីតតនៅក្នុងរន្ធស្បូនបានទៀតផង។
4 . យ៉ាអួជួយកម្ចាត់ក្លិនមាត់បាន
យ៉ាអួអាចជួយកាត់បន្ថយបញ្ហាក្លិនមាត់របស់លោកអ្នកបានដោយការទទួលទានយ៉ាអួត្រឹមតែ 2ពែងក្នុងមួយថ្ងៃប៉ុណ្ណោះ។
5 . យ៉ាអួជួយសម្រាលអាការរោគពុកឆ្អឹង
នៅក្នុងយ៉ាអួ ឬទឹកដោះគោជូរ សម្បូរទៅដោយកាល់ស្យូមជាច្រើន ដែលអាចរាប់បានថា ជារឿងដែលសំខាន់ខ្លាំងណាស់ដល់ការចម្រើនធំធាត់ និងវិវឌ្ឍនាការរបស់ឆ្អឹង និងនៅអាចញ៉ាំដើម្បីការពាររោគឆ្អឹងពុកបានទៀតផង៕
