តាមរយៈគេហទំព័រព័ត៌មាន Lapatilla បានដកស្រង់ព័ត៌មានពីសារព័ត៌មានថៃនៅថ្ងៃទី 5 ខែ មករា ឆ្នាំ2018 នេះបានឱ្យដឹងថា មានក្រុមបុរសប្រមាណ 100 នាក់ក្នុងមួយខែ បាននាំគ្នាធ្វើតម្រង់ជួរចាំនៅក្នុងគ្លីនិកនៅប្រទេសថៃ ដែលផ្តល់នូវការវះកាត់កែសម្បុរព័ណ៌ស្បែកប្រដាប់ភេទបុរសឱ្យស។ គ្លីនីកកែសម្ផស្ស Lelux នៅទីក្រុងបាងកក បានប្រកាសចាប់ផ្តើមផ្តល់ជូននូវសេវាកម្មការព្យាបាល និងកែសម្ផស្សមិនធម្មតានេះ ចាប់ទាំងពីអំឡុងខែ កញ្ញា ឆ្នាំ 2017 កន្លងទៅមកម្លេះ ហើយសព្វថ្ងៃនេះទទួលបានអតិថិជនពី 3ទៅ 4នាក់ក្នុងមួយថ្ងៃមកកែសម្ផស្សលិង្គជាប្រចាំ។
ការវះកាត់ដោយប្រើកាំរស្មីឡាស៊ែរនេះបានធ្វើឱ្យសាធារណជនមានទាំងការភ្ញាក់ផ្អើលនិងព្រួយបារម្ភ ប៉ុន្តែគ្លីនិកនិយាយថា ពួកគេមានអតិថិជនមកសួរចង់វះកាត់ច្រើនជាងមុន។ អ្នកចាត់ការទូទៅរបស់គ្លីនិកខាងលើ លោក Bunthita Wattanasiri បានប្រាប់ទីភ្នាក់ងារសារព័ត៌មានថៃថា “សព្វថ្ងៃនេះ មានមនុស្សច្រើនណាស់មកសួររឿងវះកាត់នេះ។ យើងមានអតិថិជនប្រហែល 100 នាក់ក្នុងមួយខែ ពោលគឺអតិថិជនពី3នាក់ទៅ4នាក់ក្នុងមួយថ្ងៃ”។
អ្នកចាត់ការទូទៅដដែលបានអះអាងបន្ដទៀតថា “យើងត្រូវប្រុងប្រយ័ត្នព្រោះវាជាផ្នែកដ៏ស្រៀវបំផុតនៃរាងកាយ។ អតិថិជនភាគច្រើនមានអាយុចាប់ពី 22 ដល់ 55 ឆ្នាំ ដែលភាគច្រើនគឺមកពីសហគមន៍ក្រុមអ្នកស្រឡាញ់ភេទដូចគ្នា (LGBTQ) របស់ថៃ។ គួរបញ្ជាក់ផងដែរថា ថ្លៃសេវាកម្មគឺប្រហែល 610 ដុល្លារសម្រាប់ការវះកាត់ដែលមាន 5 ដំណាក់កាលនេះ៕
