សម្រាប់មូលហេតុរបស់អាការឈឺខ្នងនេះ គឺបណ្តាលមកពីភាពខុសប្រក្រតីរបស់គ្រោងសាងរបស់ឆ្អឹងកងខ្នង ភាពមិនតុល្យការរបស់សាច់ដុំ និងសរសៃវាវជុំវិញសន្លាក់ឆ្អឹងកងខ្នង និងភាពខុសប្រក្រតីរបស់ប្រព័ន្ធប្រសាទ រួមទាំងឥរិយាបថ ដែលខុសសុខលក្ខណៈ ដោយផលប៉ះពាល់នៃការឈឺខ្នងនេះ អាចបណ្តាលឱ្យកើតសន្ទះទម្រឆ្អឹងខុសតុល្យការ ឬសន្ទះទម្រឆ្អឹង រំកិលខ្លួនបាន ធ្វើឱ្យការធ្វើចលនា និងសន្លាក់តផ្សេងៗ មិនអាចធ្វើការបានយ៉ាងមានប្រសិទ្ធភាព។
វិធីកែបញ្ហាអាការឈឺខ្នងនេះ អាចប្រើប្រាស់ដោយថ្នាំពេទ្យតែម្យ៉ាង ឬមិនទេ ក៏ប្រើប្រាស់ថ្នាំគួបផ្សំជាមួយវិធីព្យាបាល បែបម៉ាស្សាក៏បាន។ ដើម្បីឱ្យលទ្ធផលការព្យាបាលល្អប្រសើរជាងនោះ គួររៀបចំសម្រួលតុល្យភាពគ្រោងសាង ព្យាបាលដោយការធ្វើចលនា ការហាត់ប្រាណ ឬប្រើឧបករណ៍ជួយទប់ខ្នង ការចាក់ម្ជុលវិទ្យាសាស្ត្រ និងការធ្វើម៉ាស្សាបន្ធូរសាច់ដុំ ដើម្បីព្យាបាល។
ក្រៅពីនោះ នៅរួមទាំងការផ្លាស់ប្តូរទង្វើ ក្នុងជីវិតប្រចាំថ្ងៃ ដែលប្រឈមនឹងការកើតអាការឈឺខ្នង ដូចជា ការគេង ការអង្គុយ ការឈរ និងការដើរ ជាពិសេសបំផុតការធ្វើការនៅពីមុខអេក្រង់កុំព្យូទ័រ ច្រើនម៉ោងជាប់ៗគ្នាដោយឥរិយាបថការអង្គុយ ដែលអាចនឹងមិនត្រូវក្បួន។
ដូច្នេះវិធីដែលល្អបំផុត គួរផ្លាស់ប្តូរឥរិយាបថ ក្រោកដើរ ដើម្បីឱ្យរាងកាយបានធូរស្រាលពីតុធ្វើការខ្លះ ក៏ជាផ្នែកមួយ ដែលជួយការពារមិនឱ្យកើតអាការឈឺខ្នងបានដែរ៕
