តារាកំប្លែង ប្រចាំស្ថានីយទូរទស្សន៍ CTN នាយ តាក់ស៊ី បានធ្វើឱ្យទស្សនិកជន មានការងឿងឆ្ងល់យ៉ាងខ្លាំង បន្ទាប់ពីបានឃើញ នាយ តាក់ស៊ី មានរាងស្គមស្គាំង ដូចជាគ្មានកម្លាំងក្នុងខ្លួនសោះ។
នៅលើបណ្ដាញសង្គមហ្វេសប៊ុក គេមើលឃើញ នាយ តាក់ស៊ី មានជំងឺប្រចាំកាយលើសជាតិស្ករខ្លាំង បណ្ដាលឱ្យស្រកគីឡូជាច្រើន ទើបបានជាស្គមបែបនេះ។ លោកក៏បានសរសេរសារមួយឃ្លា តបទៅកាន់អ្នកគាំទ្រថា « បាទប្អូនគឺជាតិស្ករឡើងខ្លាំងពេកបានជាបងស្រកសាច់ ហើយមួយទៀតបងកោសក់ គឺបងទៅបួសនៅភ្នំគូលេនដើម្បីសងគុណឪពុកម្តាយ គឺបងអត់មានរឿងអីទេប្អូនសូមអគុណ» ។
គួរបញ្ជាក់ដែរថា ឥឡូវនេះនាយ តាក់ស៊ី ក៏កំពុងតែពិនិត្យនឹងព្យាបាលជំងឺលើសជាតិស្ករ តែលោកនូវតែមិនចោលអាជីពសិល្បៈកំប្លែងរបស់លោកនោះទេ ព្រោះលោកចង់ឱ្យទស្សនិកជនមានភាពសប្បាយរីករាយនៅពេលដែលលោកឡើងសម្ដែងម្តងៗ ។ មិនត្រឹមតែប៉ុណ្ណឹងនោះទេតារាកំប្លែង នាយ តាក់ស៊ី ក៏សូមអរគុណដល់ទស្សនិកជននិង អ្នកគាំទ្ររូបលោក ដែលបានបារម្ភពីសុខភាពរបស់លោក គាត់គ្មានតបស្នងទៅទស្សនិកជនវិញទេ ក្រៅពីចំណងដៃទស្សនីយភាព និងម្រាមដៃដប់សំពះអរគុណទៅកាន់ទស្សនិកជនប៉ុណ្ណោះ ៕
