ស្មាតហ្វូន realme 7 Series ត្រូវបានក្រុមហ៊ុនប្រកាសចេញជាផ្លូវការមុនគេ គឺ realme 7 មាន 5G ។ ម៉ូដែលដំបូងនេះ មានបំពាក់មកជាមួយនូវគ្រឿងផ្គុំ មានសមត្ថភាពខ្ពស់ ទាំងកម្រិតភាពច្បាស់លើអេក្រង់ និងលក្ខណសម្បតិ្តទូទៅ។ សម្រាប់លក់លើទីផ្សារចក្រភពអង់គ្លេសមុនគេ មានតម្លៃ 369ដុល្លារ ជម្រើស RAM 8GB និងមេម៉ូរី 256GB។
ខាងក្រោមនេះជា លក្ខណសម្បត្តិដែលមានលើ realme 7 5G ៖ វាមានបំពាក់មកជាមួយ នូវអេក្រង់ទំហំ 6.5 អ៊ីញ ជាប្រភេទ IPS LCD ក្នុងកម្រិតបង្ហាញរូបភាព FHD+ ជាមួយល្បឿន Refresh Rate អេក្រង់កម្រិត 120Hz។ ផ្នែកខាងមុខរចនាប័ទ្ម អេក្រង់បែបទម្លុះ ដាក់កាមេរ៉ាមុខចំនួន 1គ្រាប់ ដូចទៅនឹង realme 7ដែរ។ ប្រើប្រាស់បន្ទះឈីប Dimensity 800U របស់ក្រុមហ៊ុន MediaTek មានជម្រើស RAM 8GB មេម៉ូរី 128GB និងអាចបន្ថែម MicroSD Card បាន។
កាមេរ៉ាក្រោយ 4គ្រាប់ ដោយ 1គ្រាប់ជាកាមេរ៉ាគោលមានទំហំ 48MP បូកនឹងលេនស៍, ទី3 ជា Ultra Wide ទំហំ 8MP បូករួម 1គ្រាប់ទៀត ទំហំ 2MP ជា Depth Sensor បូក 1គ្រាប់ចុងក្រោយ ទំហំ 2MP ជា Macro លេនស៍ ហើយមានភ្លើង LED Flash ចំនួន 1គ្រាប់ នៅក្នុង Zone ជាមួយកាមេរ៉ា និងវាមានកាមេរ៉ាមុខ ១គ្រាប់ទំហំ 16MP។
ថាមពលថ្មទំហំ 5,000mAh មានបច្ចេកវិទ្យាសាកថ្មលឿន កម្លាំង 30W, រន្ធដោតកាស 3.5mm, ប្រើរន្ធសាកថ្មប្រភេទ USB-C និងដំណើរការដោយប្រព័ន្ធប្រតិបត្តិការ Android 10 ស្រោបដោយស្បែក realme UI ចេញពីប្រអប់ស្រាប់៕ សូមទស្សនាវីដេអូខាងក្រោម៖
https://www.youtube.com/watch?v=eyGqqOn4AtA
