ឥណ្ឌា​ធ្វើ​តេស្ត​យាន​អវកាស​ដឹក​មនុស្ស​ជា​លើក​ដំបូង

កាល​ពី​ថ្ងៃទី 21 តុលា ឥណ្ឌា​បាន​សាកល្បង​បាញ់បង្ហោះ​ដោយ​ជោគ​ជ័យ​ជា​លើក​ដំបូង​ចំពោះ​​យាន​អវកាស​ Gaganyaan ដែល​អភិវឌ្ឍឡើង​ដើម្បី​ដឹក​អ្នក​អវកាស​បី​រូប​។

ការ​បាញ់​បង្ហោះ​សាកល្បង​កាល​ពី​ម្សិលមិញ ធ្វើឡើង​ក្នុង​បំណង​វាយ​តម្លៃ​ប្រព័ន្ធ​រំដោះ​គ្រោះ​បន្ទាន់​របស់​ម៉ូឌុលដឹក​មនុស្ស​។ ម៉ូឌុល​នេះ​បាន​ផ្ដាច់​ខ្លួន​ពី​ម៉ាស៊ីន​រុញ​ច្រាន​ និង​ចុះ​ចត​ថ្នម​ៗ​នៅ​លើ​សមុទ្រ ក្រោយ​ពី​ត្រូវ​បាន​បាញ់​បង្ហោះ​ប្រហែល​ 10 នាទី​។

តាម​ផែនការ អង្គការ​ស្រាវ​ជ្រាវ​អវកាស​ឥណ្ឌា​ (ISRO)​ នឹង​ធ្វើ​តេស្តធំៗ​​ប្រមាណ​ម្ភៃ​ដង​ទៀត​ មុន​នឹង​អនុញ្ញាត​ឱ្យ​យាន Gaganyaan ​នាំ​យក​អវកាសចរ​បី​រូប ​ឡើង​ទៅ​កាន់​គន្លង​តារា​វិថី​ផែនដី​នៅ​ឆ្នាំ 2025​។