ក្រុមហ៊ុន​ផលិត​រថយន្ត Ford បញ្ចេញ​រថយន្ត Explorer កំណែ​អគ្គិសនី

ក្រុមហ៊ុន Ford បាន​បង្ហើប​ឱ្យដឹង​អំពី Ford Explorer ដែល​ដំណើរ​ដោយ​អគ្គិសនី​ទាំងស្រុង ហើយ​វា​គឺជា​ម៉ូ​ដែល​រថយន្ត​អគ្គិសនី​ទី​បី​របស់​ក្រុមហ៊ុន​នេះ។

រថយន្ត​ដែល​ត្រូវបាន​ផលិត​នៅ​ប្រទេស​អាល្លឺម៉ង់​នេះ​ត្រូវបាន​អធិប្បាយ​ថា​ជា​រថយន្ត​ដែលមាន​ការរួម​ផ្សំ​រវាង «បច្ចេកទេស​អាល្លឺម៉ង់ និង​ស្ទីល​អាម៉េរិក»។

Ford ប្រកាសថា Explorer បញ្ចូល​ថាមពល​ថ្ម​ក្នុង​ល្បឿន​ពី 10 ដល់ 80% ក្នុង​រយៈពេល 25 នាទី នៅពេល​ប្រើ​ឆ្នាំង​សាក​រហ័ស DC។ រថយន្ត​នេះ​នឹង​អាច​ប្រើប្រាស់​ស្ថានីយ​បញ្ចូល​ថាមពល​អគ្គិសនី​ចំនួន 500,000 កន្លែង​នៅ​អឺរ៉ុប ចាប់ពី​ឆ្នាំក្រោយ។

 

ចំណែក​ចម្ងាយ​ផ្លូវ​ដែល Explorer អាច​បរបាន នឹងត្រូវ​បានប្រកាស​នា​ពេលខាងមុខ ហើយ​អតិថិជន​អាច​បញ្ជា​ទិញ​ជាមុន​ចាប់ពី​ចុងឆ្នាំ​នេះ (សម្រាប់​តំបន់​អឺរ៉ុប)។ Ford Explorer មាន​ពីរ​កំណែ​គឺ Explorer និង Explorer Premium។ តាម​ការគ្រោងទុក វា​នឹងមាន​តម្លៃ​ក្រោម 73,000 ដុល្លារ​អាម៉េរិក។

Ford Explorer

ក្រុមហ៊ុន Ford កន្លងមក​បាន​សន្យាថា នឹង​លក់​តែ​រថយន្ត​អគ្គិសនី​ប៉ុណ្ណោះ​នៅ​តំបន់​អឺរ៉ុប ចាប់ពី​ឆ្នាំ 2030 ដើម្បី​ចូលរួម​កាត់បន្ថយ​ការ​បំ​ភាយ​ឧស្ម័ន​ផ្ទះ​កញ្ចក់​នៅ​ទូទាំង​សកលលោក៕

Advertisement