កាលពីពេលថ្មីៗនេះ ក្រុមហ៊ុន Razer បានបញ្ចេញវ៉ែនតាឆ្លាតវៃ ឈ្មោះថា ‘Razer Anzu’ ដែលមានបំពាក់មកជាមួយនូវមុខងារការពារកាំរស្មី UVA/UVB បានដល់ទៅ 99% អាចការពារពន្លឺពណ៌ខៀវ ដែលជះចេញពីកុំព្យូទ័រ ឬស្មាតហ្វូនបាន 35% និងជាពិសេសអាចស្ដាប់តន្ត្រីបានទៀតផង។
Razer Anzu មាន 2ប្រភេទសម្រាប់ឱ្យជ្រើសរើស គឺប្រភេទកញ្ចក់រាងជ្រុង និងកញ្ចក់រាងមូល ដោយតម្លៃលក់របស់វា ប្រមាណជា 200ដុល្លារ សម្រាប់ទីផ្សារបរទេស។
លក្ខណៈពិសេសផ្សេងទៀតរបស់ Razer Anzu គឺមានកម្រិតស្ដង់ដាការពារទឹក និងធូលី IPX4 និងមានថាមពលថ្មអាចប្រើបាន 5ម៉ោង ហើយបើ standby ទុកចោល គឺអាចបានដល់ទៅ 2សប្ដាហ៍ឯណោះ វាក៏ប្រើការបញ្ជាដោយការប៉ះ លើការកំណត់ ឬចូលទៅកាន់មុខងារផ្សេងៗ យ៉ាងទំនើបផងដែរ។ លើសពីនេះទៀត វ៉ែនតាឆ្លាតវៃស៊េរីនេះ មានភ្ជាប់រន្ធម៉ៃក្រូហ្វូនដែលអាចឱ្យវាទទួល ឬ ហៅទូរស័ព្ទចេញចូលបាន។
រំឭកផងដែរថា កេរ្ត៍ឈ្មោះរបស់ Razer ធ្លាប់តែល្បីល្បាញខាងទីផ្សារធំ ផ្នែកផលិតកុំព្យូទ័ សម្រាប់ហ្គេម ឥលូវបានឈានជើងចូលក្នុងទីផ្សារផលិតសម្ភារឆ្លាតវៃនៅឆ្នាំ2021 នេះ។ ដូច្នេះ នៅឆ្នាំបន្ទាប់ៗទៀត អាចនឹងមានផលិតផលថ្មីៗ ចេញមកបង្ហាញខ្លួនលើទីផ្សារទៀតជាមិនខាន៕
សូមទស្សនាវីដេអូខាងក្រោម៖
