Luis Suárez កីឡាករខ្សែប្រយុទ្ធ សញ្ជាតិអ៊ុយរូហ្គាយ បានស៊ុតបញ្ចូលទី បាន 16គ្រាប់ហើយ ដែលស្ថិតិនេះបានធ្វើឱ្យគេ ឈរជាកីឡាករ ដែលស៊ុតបានច្រើនគ្រាប់ជាងគេ នៅ La Liga តាមពីក្រោយដោយ Messi ដែលរកបានត្រឹមតែ 15គ្រាប់ប៉ុណ្ណោះ តែអ្វីដែលរឹតតែពិសេសនោះគឺ AT Madrid បានផ្តល់ជាទឹកប្រាក់ 1លានអឺរ៉ូ តាមខសន្យានៅក្នុងកុងត្រាសម្រាប់ Luis Suárez ប្រសិនបើគេអាចរកបាន 15គ្រាប់ នៅរដូវកាលនេះ។
ក្នុងកុងត្រារវាង Suarez ជាមួយ Atletico បានបញ្ជាក់ថា ប្រសិនបើគេរកបាន 15គ្រាប់ក្នុងរដូវកាលនេះ គេនឹងទទួលបានប្រាក់លើកទឹកចិត្ត 1លានអឺរ៉ូ។ បច្ចុប្បន្នកីឡាករវ័យ 34ឆ្នាំរូបនេះ រកបាន 16គ្រាប់ហើយ ក្នុងការបង្ហាញខ្លួនបាន 17ប្រកួតក្នុងក្របខ័ណ្ឌលីគ។ កុងត្រានោះ បានបញ្ជាក់បន្ថែមទៀតថា Suarez នឹងអាចទទួលបានប្រាក់លើកទឹកចិត្តបន្ថែមទៀត ប្រសិនបើរកបានដល់ 20គ្រាប់៕
