តាមរយៈ Facebook Page ផ្លូវការរបស់ ចៃកុន JaiKon បានឱ្យដឹងថា ជាដំណឹងល្អសម្រាប់ប្រជាជនកម្ពុជា ដែលរឿង “មុនដំបូងខ្មែរក្រហមសម្លាប់ប៉ាខ្ញុំ” រឺ “First They Killed My Father” នឹងមានចាក់បញ្ចាំងនៅគ្រប់រោងភាពយន្តចាប់ពីថ្ងៃទី8 កញ្ញានេះហើយ នឹងមានចាក់បញ្ចាំងនៅក្នុងរោងភាពយន្តក្នុងប្រទេសកម្ពុជាតែមួយគត់។
គួរបញ្ជាក់ផងដែរថា រឿងនេះគឺជាស្នាដៃនិពន្ធរបស់អ្នកនាង Jolie និងអ្នកស្រី អ៊ឹង លួង ដែលជាជនជាតិខ្មែរធ្លាប់ឆ្លងកាត់ក្នុងរបបប្រល័យពូជសាសន៍ ប៉ុល ពត ដ៏ខ្មៅងងឹត និងសាហាវឃោរឃៅ ហើយបានចាប់ផ្ដើមថត និងរើសតួសម្ដែងកាលឆ្នាំ2015 ក្រោមការដឹកនាំសម្ដែងដោយអ្នកនាង Angelina Jolie។ ហើយបានដាក់សម្ពោធជាផ្លូវការលើកដំបូងនៅក្នុងប្រទេសកម្ពុជា នៅក្រុងសៀមរាប រាជធានីភ្នំពេញ ក្រុងបាត់ដំបងកាលពីខែកុម្ភៈ ឆ្នាំ2017 កន្លងទៅ៕
