នៅរសៀលថ្ងៃព្រហស្បតិ៍ ទី10 ធ្នូ ក្រុមហ៊ុន Google បានបញ្ចេញកំណែអាប់ឌែត ក៏ដូចជា គោលនយោបាយថ្មី ទាក់ទងនឹងផ្ទាំងផ្សាយពាណិជ្ជកម្មរបស់ខ្លួន។ ចំពោះអ្នកប្រើប្រាស់ទាំងអស់ ដែលមានការរំខាន ដោយសារតែ Ads ពី ល្បែងស៊ីសង ក៏ដូចជាគ្រឿងស្រវឹងផងនោះ នឹងមានឱកាសធ្វើការកាត់បន្ថយ ឱ្យវាលោតចេញមក តិចជាងមុនបាន ដោយនឹងចាប់ផ្ដើម ពីដើមឆ្នាំ 2021 ខាងមុខតទៅ។
Google បានបន្ថែមទៀតថា អ្នកប្រើប្រាស់នៅសហរដ្ឋអាមេរិក គឺអាចកំណត់បាន ជាបណ្ដើរៗហើយ ដោយឡែក អ្នកប្រើប្រាស់នៅលើទីផ្សារសកល គឺត្រូវមានការរង់ចាំបន្ដិចទៀត សម្រាប់ការផ្ដល់ជូនសិទ្ធិអនុញ្ញាតមួយនេះ។
បច្ចុប្បន្ននេះ អ្នកប្រើប្រាស់ទាំងអស់ មានតែសិទ្ធិក្នុងការបិទមុខងារ Ad Personalization ប៉ុណ្ណោះ ដែលមុខងារនេះ លោកអ្នកគ្រាន់តែធ្វើការដាក់បង្ហាញផ្ទាំងពាណិជ្ជកម្ម ទាក់ទងទៅនឹងសកម្មភាពទាំងឡាយណាបានចុច Search ស្វែងរកមើល។ ការដែលវាលោតបង្ហាញមកនោះ ត្រូវបានគេគិតថា រំលោភសិទ្ធិឯកជន។
បើទោះបីជាមិនអាចបិទបានទាំងស្រុងក៏ដោយ យ៉ាងហោចណាស់ អ្នកប្រើប្រាស់នឹងអាចឃើញពួកវាតិចជាងមុន ហើយក៏លែងសូវមានការរំខាន ក៏ដូចជាជំរុញបង្ខំឱ្យចូលរួមតាមផងដែរ។ ការបើកមុខងារកាត់បន្ថយ Ads របស់ល្បែងស៊ីសង និងគ្រឿងស្រវឹង ក៏នឹងជួយហាមឃាត់ក្មេងៗ មិនឱ្យចូលរួមតាមដានទៀតផងដែរ ដោយសារភាគច្រើន ពួកគេងាយនឹងធ្វើទៅតាម ការផ្សព្វផ្សាយទាំងអស់នោះខ្លាំងណាស់។
