ស្មាតហ្វូន Samsung ម៉ូដែល Galaxy S21, S21+ និង Galaxy S21 Ultra ទើបតែទទួលបានការអនុញ្ញាតពីស្ថាប័ន ANATEL ក្នុងប្រទេសប្រេស៊ីល ដោយពួកវានឹងមានលេខកូដសម្គាល់ SM-G991B/DS, SM-G996B/DS និង SM-G998B/DS ។ នេះបើតាមការចុះផ្សាយរបស់វេបសាយប្រេស៊ីលមួយឈ្មោះ Tecnoblog ។
ព្រោះថា នៅក្នុងឯកសារ ដែលចុះបញ្ជីនៅស្ថាប័ន ANATEL មិនមានបង្ហាញព័ត៌មានអ្វីច្រើន អំពីស្មាតហ្វូន Galaxy ថ្មីនេះទេ ប៉ុន្តែវាបានបញ្ជាក់អំពីការផ្លាស់ប្ដូរដ៏ធំមួយ។
ប្រភពដដែលបាននិយាយថា Galaxy S21 ទាំង 3ម៉ូដែល នឹងមិនមានដុំសាកនៅក្នុងប្រអប់ទេ ហើយកាសស្ដាប់ ក៏មិនមានបញ្ចូលមកជាមួយដែរ។ ព័ត៌មាននេះ ហាក់ដូចជាត្រូវគ្នា នឹងពេលកន្លងមក ដែលមានពាក្យចចាមអារ៉ាមថា Samsung នឹងដកដុំសាកចេញពីស្មាតហ្វូនជំនាន់ថ្មីរបស់ខ្លួន៕
