កីឡាករ Erling Haaland វ័យ 19ឆ្នាំ សញ្ជាតិន័រវេស បច្ចុប្បន្ន កំពុងតែក្លាយជាកីឡាករ ដែលឡើងជើងខ្លាំងបំផុត នៅក្នុងពិភពបាល់ទាត់ពិភពលោក ដោយគិតមកទល់នឹងពេលនេះ រូបគេលេងបាន 23ប្រកួត រកគ្រាប់បាល់បាន 23គ្រាប់ដែរ។
កាលពីដើមឆ្នាំ2020 កន្លងទៅនេះ Dortmund បានទិញយកកីឡាកររូបនេះ ពី RB Salzburg ក្នុងតម្លៃតែជាង 23លានដុល្លារប៉ុណ្ណោះ។ លុះបានមកលេងនៅក្លិបខាងលើ ជាង 1ឆ្នាំនេះ តម្លៃខ្លួនខ្សែប្រយុទ្ធរូបនេះ ក៏បានហក់ឡើងគួរឱ្យកត់សម្គាល់ ដែលបច្ចុប្បន្ន ឡើងទៅដល់ 100លានដុល្លារហើយ។
គួរឱ្យដឹងដែរថា កីឡាកររូបនេះ បានកើនតម្លៃខ្លួនខ្លាំង ដោយសារតែរូបគេ បានលេងក្នុងពានរង្វាន់ UEFA Champions League ដោយស៊ុតបាន 6គ្រាប់ ត្រឹម 4ប្រកួតតែប៉ុណ្ណោះ ហើយថែមទាំងមានឈ្មោះថា ជាកីឡាករ ស៊ុតបានច្រើនជាងគេ លើស Ronaldo ទៅទៀត ក្នុងពានរង្វាន់មួយនេះ៕
