កាលពីថ្ងៃអាទិត្យ ទី29 ខែវិច្ឆិកា ឆ្នាំ2020 កន្លងទៅនេះ នៅក្នុងគណនី twitter របស់កីឡាករសញ្ជាតិជប៉ុន Keisuke Honda បានសរសេរសារមួយ ដែលបង្ហាញពីការចង់ចាកចេញពីក្លិប Botafugo របស់ខ្លួន ក្រោយពេលមានបញ្ហាមួយចំនួននៅក្នុងក្រុម ដោយគ្រូបង្វឹក មិនបានមកដឹកនាំផ្ទាល់ និងមិនបានផ្តល់កម្លាំងចិត្តដល់កូនក្រុមទាល់តែសោះ។
ក្លិបនៅលីគកំពូលប្រេស៊ីលមួយនេះ បានចាញ់ 3ប្រកួតចុងក្រោយ ដោយសារតែមិនមានគ្រូបង្វឹក មកដឹកនាំផ្ទាល់។ ហើយរាល់ការហ្វឹកហាត់ និងផ្តល់ដំបូន្មានផ្សេងៗ ត្រូវបានគ្រូបង្វឹករូបនោះ ធ្វើឡើងតាមរយៈឃ្លីបវីដេអូ ដោយសារតែលោកមានបញ្ហាសុខភាព ត្រូវសម្រាកនៅមន្ទីរពេទ្យ។
គួរឱ្យដឹងដែរថា ក្លិបលីគកំពូលប្រស៊ីល Botafogo ដែលអតីតអ្នកចាត់ការក្រុមជម្រើសជាតិកម្ពុជា កំពុងប្រកបអាជីពជាមួយនេះ កំពុងតែស្ថិតនៅលេខរៀងទី19 ក្នុងចំណោមក្រុមទាំង20 ជាចំណាត់ថ្នាក់ ត្រូវកាត់ទៅលេងនៅលីគទី ២៕
