កីឡាករខ្សែការពារកណ្តាល វ័យ 33ឆ្នាំ Gerard Pique របស់ក្លិបបាល់ទាត់អ្នកមានបុណ្យ Barcelona FC កំពុងតែសម្រាកព្យាបាល ក្រោយរងការប៉ះទង្គិចយ៉ាងធ្ងន់ធ្ងរ ក្នុងការប្រកួតប្រចាំសប្តាហ៍ទី 10 របស់ក្របខ័ណ្ឌ La Liga ទល់នឹងក្រុម AT Madrid។
Pique វ័យ 33ឆ្នាំ បានរងរបួសជង្គង់ខាងស្ដាំ និងប៉ះពាល់ផ្នែកខ្លះនៃសរសៃពួរសាច់ដុំ អំឡុងពេលការប្រកួតជាមួយ Atletico Madrid។ Barca នឹងត្រូវអវត្តមានខ្សែការពារ Sergi Roberto រយៈពេល 2ខែផងដែរ បន្ទាប់ពីគេមានរបួសសាច់ដុំភ្លៅ។
គួរឱ្យដឹងដែរថា កាលពីទាបភ្លឺ ថ្ងៃច័ន្ទ ទី23 ខែវិច្ឆិកា ឆ្នាំ2020 កន្លងទៅ ក្លិបបាល់ទាត់ Atlético Madrid បានយកឈ្នះលើក្រុមខ្លាំង Barcelona ដោយលទ្ធផល 1ទល់នឹង0 ក្នុងទឹកដីរបស់ខ្លួន ដោយបានរុញឱ្យក្រុមមួយនេះ ឡើងមកកាន់ចំណាត់ថ្នាក់លេខ2 គិតត្រឹមសប្តាហ៍ទី10 នេះ ខណៈដែល Barcelona បានបន្តធ្លាក់ដុនដាបខ្លាំង ដោយបានធ្លាក់ទៅដល់លេខរៀងទី12 នៃតារាងពិន្ទុ La Liga៕
