កាលពីពេលរំលងអាធ្រាត្រ ថ្ងៃច័ន្ទ ទី23 ខែវិច្ឆិកា ឆ្នាំ2020 កន្លងទៅ ក្លិបបាលទាត់ Liverpool បានយកឈ្នះលើក្រុម Leicester City នៅក្នុងទឹកដី Anfield របស់ខ្លួន ដោយលទ្ធផល 3ទល់នឹង0 ក្នុងការប្រកួត English Premier League ប្រចាំសប្តាហ៍ទី9 រដូវកាល 2020-2021។
ទោះជាមានទម្រង់លេងល្អយ៉ាងនេះក្ដី ប៉ុន្តែ ក្រុមរបស់លោក Klopp ក៏មានបញ្ហាកីឡាកររបួសបន្ថែមទៀតដែរ គឺខ្សែបម្រើ Naby Keita ដែលកាលពីយប់មិញនេះ ត្រូវបានប្ដូរចេញ ក្រោយពីមានបញ្ហាសរសៃពួរជើង ហើយមកដល់ពេលនេះ គេមិនទាន់អាចសន្និដ្ឋានបានទេថា កីឡាកររូបនេះ នឹងអវត្តមានប៉ុន្មានប្រកួតនៅឡើយទេ។
លទ្ធផល 3ទល់នឹង0 នេះ វាពិតជាកក់ក្តៅណាស់សម្រាប់លោក Kloop ក្នុងការរក្សាខ្លួន នៅលើចំណាត់ថ្នាក់លេខ2 បណ្តោះអាសន្ន ដ្បិតអីសប្តាហ៍ក្រោយ នឹងត្រូវឈឺក្បាលម្តងទៀត ក្នុងការរៀបចំក្រុម ព្រោះកីឡាករល្អៗ ដល់ទៅ ៤រូប កំពុងរងរបួស៕
