Jack និង Rose ដែលគ្រប់គ្នាមិនអាចបំភ្លេចបាននៅក្នុងខ្សែភាពយន្ត Titanic កាលពី២១ឆ្នាំមកនេះ នៅតែជាខ្សែរឿង ភាពយន្ត Hollywood ដែលឈរនៅលំដាប់កំពូលជាខ្សែភាពយន្តល្អបំផុតសម្រាប់មនុស្សជាតិ ដោយសារតែស្នេហាស្មោះស្ម័គ្រ ដិតដាមជាប់ក្នុងបេះដូង ជាពិសេសគឺការលះបង់គ្រប់យ៉ាងរបស់តួអង្គបុរសចំពោះនារីដែលខ្លួនស្រឡាញ់ស្មើនឹងជីវិត ប៉ុន្តែសម្រាប់ជីវិតពិតជាក់ស្តែងនៅក្នុងឆ្នាំ2017នេះ នាង Rose ដែលមានឈ្មោះពិត Kate Winslet វ័យ 41ឆ្នាំ និង Jack ដែលឈ្មោះពិត គឺលោក Leonardo Dicaprio វ័យ 42ឆ្នាំ បានបង្ហាញនូវស្និទ្ធស្នាលភាពខ្លាំង ប៉ុន្តែក្នុងនាមជាមិត្តរួមអាជីព និងធ្លាប់ចែករំលែកជោគជ័យធំធេងរួមគ្នាប៉ុណ្ណោះ។
រូបភាពថ្មីៗដែលទើបទទួលបាននេះ គឺបង្ហាញអំពីគូស្នេហ៍ក្នុងខ្សែភាពយន្ត Titatic ទាំងពីររូបដើរកម្សាន្តនៅក្នុងទីក្រុង Saint Tropez ដើម្បីបង្ហាញថា មិត្តភាពរបស់ពួកគេនៅតែយូរអង្វែង ខណៈដែល លោក Leonardo កំពុងតែធ្វើការងារយ៉ាងសកម្មជាមួយនឹងមូលនិធិការពារបរិស្ថានរបស់លោក។ ស្ថិតនៅភាគខាងត្បូងប្រទេសបារាំងនោះដែរ មិត្តភ័ក្តិដ៏អមតៈទាំងពីរមិនត្រឹមតែថតរូបរួមគ្នាធម្មតាៗប៉ុណ្ណោះទេ ប៉ុន្តែពួកគេនៅបានចុះមុជទឹកលេងជាមួយគ្នាផងដែរ នៅក្នុងលំនៅឋានប្រណីតផ្ទាល់ខ្លួនរបស់លោក Jack តែម្តង។
ចង់ដឹងពីអតីតស្នាដៃដែលអ្នកទាំងពីរធ្លាប់ទទួលបានជោគជ័យរួមគ្នា និងថាតើបច្ចុប្បន្នមិត្តភាពរបស់អ្នកទាំងពីរស្អិតល្មួតយ៉ាងណានោះ សូមទស្សនារូបភាពនានាខាងក្រោមនេះ៖
