ការប្រកួតលីគកំពូលកម្ពុជា រដូវកាល2020 បានបញ្ចប់ដោយបឹងកេត បានឈ្នះជើងឯក ជាមួយកំណត់ត្រាមិនចាញ់សោះ ពោលគឺ ឈ្នះ12 ស្មើ 5លើក ក្នុងចំណោមការប្រកួតទាំងអស់ 17លើក។
ជុំវិញរឿងរៀបចំក្រុមនេះ លោក បែរ មករា អ្នកចាត់ការក្រុមបឹងកេត បាននិយាយថា លោកកំពុងតែសម្លឹង រកមើលកីឡាករបរទេសមួយចំនួន មកពង្រឹងក្រុម ខណៈដែលក្នុងក្រុមវិញ លោកនឹងធ្វើការរុះរើកីឡាករបរទេសខ្លះ (ប្រហែលជា 2រូប) តែលោកមិនទាន់បង្ហើបប្រាប់ឈ្មោះនៅឡើយ ដើម្បីយកកូតា ដាក់កីឡាករបរទេសថ្មីផ្សេងទៀត។
គួរឱ្យដឹងដែរថា ក្លិបបឹងកេត បានលេងក្នុងពានរង្វាន់ AFC CUP នេះចំនួន 2លើករួចមកហើយ ដោយបានឡើងទៅ ក្រោយឈ្នះការប្រកួតវគ្គជម្រុះទាំង 2លើក ៕
