ទូរទស្សន៍ឆ្លាតវៃដំបូងបំផុតរបស់ក្រុមហ៊ុន Oppo បានប្រកាសចេញលក់ជាផ្លូវការហើយនៅថ្ងៃនេះ។ Smart TV នេះមាន 2ម៉ូដែល គឺ Oppo TV S1 និងម៉ូដែល Oppo TV R5 មានទំហំ 55អ៊ីញ និង 65អ៊ីញ។
សម្រាប់ S1 ទំហំ 55អ៊ិញ តម្លៃ 7,999យន់ (ប្រមាណជា 1,129ដុល្លារ) មានលក់លើទីផ្សារប្រទេសចិនមុនគេ។ រីឯម៉ូដែល Oppo TV R5 ទំហំ 55អ៊ីញ តម្លៃ 3,299យន់ (ប្រមាណជា 483ដុល្លារ និង 65អ៊ីញ តម្លៃ 4,299យន់ (ប្រមាណជា 643ដុល្លារ)។
Oppo TV S1 មានលក្ខណៈពិសេសៗ និង Specs លេចធ្លោជាង R5 ដូចជា ក្រុមហ៊ុនមានបំពាក់បច្ចេកវិទ្យាអេក្រង់ល្អ 4K QLED កម្រិតបង្ហាញរូបភាព 120 hz (Refresh rate) ប្រព័ន្ធសំឡេងបាស 18គ្រាប់ ដែលសហការជាមួយក្រុមហ៊ុន Dynaudio ភ្ជាប់ជាមួយនឹងកម្លាំងទ្រទ្រង់កម្រិតសំឡេង 85វ៉ាត់ (Sound output)។ វាក៏មានបំពាក់មកជាមួយនូវរន្ធដោតជាច្រើន ដូចជា រន្ធ far-field microphone ដើរតួនាទីជា Voice Assistant ពេលចង់ខលវីដេអូមើលមុខគ្នា ដែលនៅលើទូរទស្សន៍នោះមានបំពាក់កាមេរ៉ាមុខ 1គ្រាប់ ។
លើសពីនេះ ម៉ូដែល S1 បំពាក់ដោយបន្ទះឈីប MediaTek MT9950 ជាមួយ RAM 8.5GB/មេម៉ូរី 128GB ដំណើការដោយ ColorOS TV និងដើរយ៉ាងរលូនជាមួយកម្មវិធី Streaming live ដូចជា Tencent, Youky, Mango និង iQiyi ដែលជាកម្មវិធីកម្សាន្តល្បីៗប្រចាំប្រទេសចិន។
ដោយឡែក ម៉ូដែល R1 តម្លៃធូរថ្លៃ មិនសូវជាប្រើប្រាស់អេក្រង់កម្រិតខ្ពស់ប៉ុន្មានទេ ពោលគឺ ប្រើប្រាស់អេក្រង់ LCD កម្រិតបង្ហាញបាន 4K ដូចគ្នា ជាមួយនឹង LED Backlight ទាំង55 និង 65អ៊ីញ។ ម៉ូដែល S1 ក៏បំពាក់ដោយបន្ទះឈីប MediaTek MT9652 ជាមួយ RAM 8GB/មេម៉ូរី 128GB ដំណើការដោយ ColorOS TV ដូចគ្នា៕
សូមទស្សនាវីដេអូខ្លីៗខាងក្រោម៖
