សម្រាប់ប្រិយមិត្តដែលជាអ្នកប្រើប្រាស់រថយន្តប្រហែលជាបានដឹងខ្លះហើយពីសមត្ថភាព និងលក្ខណៈប្រណីតរបស់រថយន្ត Land Rover ទាំងមានសមត្ថភាពខ្លាំង បច្ចេកវិទ្យាដែលជួយសម្រួលដល់ការបើកបរ និងភាពធន់មាំរបស់វា។ ថ្ងៃនេះគេហទំព័រ ឡារ៉ែន សូមលើកយកនូវលក្ខណៈពិសេសចំនួន 10 យ៉ាងរបស់ថយន្ត ALL-NEW DISCOVERY ឆ្នាំ2017 ជំនាន់ទី5 នៃត្រកូល DISCOVERY របស់ Land Rover ដែលវាបានធ្វើការផ្លាស់ប្ដូររូបរាងទាំងស្រុងឱ្យមើលទៅកាន់តែមានភាពទាក់ទាញ និងបន្ថែមបច្ចេកវិទ្យាទំនើបៗជាច្រើនទៀតដែលរឹតតែធ្វើឱ្យរថយន្ដមួយនេះកាន់តែទំនើបដាច់គេក្នុងចំណោមរថយន្ដប្រភេទ SUV ដូចគ្នាផ្សេងៗទៀត។
ទី 1៖ រថយន្ដនេះមានកន្លែងអង្គុយធំទូលាយជាងមុន អាចអង្គុយបានចំនួន7នាក់ ហើយកៅអីអង្គុយជួរទី 3 អាចអង្គុយបានយ៉ាងទូលាយ និងមើលទៅឃើញខាងមុខបានដូចអ្នកអង្គុយនៅជួរទី 2 និង 1 យ៉ាងមានផាសុកភាពដែរ។
ទី 2៖ វាត្រូវបានបំពាក់ដោយបច្ចេកវិទ្យា InControl Touch ដែលអាចបញ្ជាមុខងារផ្សេងៗរបស់រថយន្ដ
ទី 3៖ វាអាចទម្លាក់បូមឱ្យទាបចុះបានរហូតដល់ 40mm ដែលងាយស្រួលក្នុងការចុះ និងឡើងជិះរថយន្ដ។
ទី4៖ នៅឃ្លុបខាងក្រោយមានកន្លែងសម្រាប់អង្គុយស្ទួចត្រី មើលថ្ងៃលិច និងជជែកគ្នាលេងបានយ៉ាងសប្បាយរីករាយ និងអាចផ្ទុកទម្ងន់បានរហូតដល់ 300គីឡូក្រាម។
ទី5៖ នៅឃ្លុបខាងក្រោយមានចំណុះធំជាងមុនរហូតដល់ 2,500 លីត្រ ដែលអាចដាក់អីវ៉ាន់បានយ៉ាងច្រើន។
ទី 6៖ នៅផ្នែកខាងក្នុងរបស់រថយន្ដមានកន្លែងសម្រាប់សាកថ្មកម្លាំង12V ចំនួន6កន្លែងដែលងាយស្រួលដល់ទាំងអ្នកបើកបរ និងអ្នករួមដំណើរជាមួយ ជាពិសេសនៅពេលធ្វើដំណើរផ្លូវឆ្ងាយ និងមានកន្លែងសម្រាប់ដោត USB រហូតដល់ 8 កន្លែង និងអាចចែករំលែក Wifi Hotspot ទៅកាន់ទូរស័ព្ទដៃបានរហូតដល់ទៅ 8 គ្រឿងឯណោះ។
ទី 7៖ វាអនុញ្ញាតឱ្យលោកអ្នកអាចភ្ជាប់ iPad បានរហូតដល់ចំនួន 4 ដែលឱ្យអ្នកអង្គុយអាចបញ្ជាមុខងារផ្សេងៗបានផ្ទាល់ខ្លួន ជាមួយនឹងបច្ចេកវិទ្យា InControl Remote។
ទី8៖ រថយន្ដនេះអាចបើកបរក្នុងទឹកដែលមានជម្រៅរហូតដល់ 900 mm និងអាចសណ្ដោងទម្ងន់បានរហូតដល់ 3,500 គឺឡូក្រាម។
ទី9៖ វាបំពាក់ដោយប្រព័ន្ធ ADAS (Advanced Driver Assistance System) ដែលជួយសម្រួលស្មារតីអ្នកបើកបរយ៉ាងមានសុវត្ថិភាពខ្ពស់បំផុត ដូចជាពេលអ្នកបើកបរងងុយគេង ឫបើកបរខុសគន្លងផ្លូវជាដើម ហើយមានបំពាក់ដោយខ្សែក្រវាត់សុវត្ថិភាពដល់គ្រប់អ្នកអង្គុយក្នុងរថយន្ដទាំងអស់។
ទី10៖ តួរថយន្ដត្រូវបានផលិតឡើងពីលោហធាតុអាលុយមីញ៉ូម ដែលជួយសន្សំទម្ងន់របស់រថយន្ដបានរហូត 480 គីឡូក្រាម និងស្វិត មាំ ជាងលោហធាតុផ្សេងៗទៀត៕
https://www.youtube.com/watch?v=y8e-M8PwVzY