ចំណេះដឹងថ្មីៗក្នុងការប្រើប្រាស់សាប៊ូដុំសម្រាប់បងៗស្រ្តីមេផ្ទះសន្សំសំចៃ

1 . វិធីធ្វើឱ្យសាប៊ូដុំប្រើបានយូរ

ពេលទិញសាប៊ូក្រអូបយកមកទុកប្រើច្រើនដុំ ចូរយកដុំសាប៊ូចេញពីក្នុងប្រអប់​ ឬចេញពីកញ្ចប់ ហើយយកទៅ​រក្សា​ទុកនៅក្នុងកន្លែងណាដែលស្ងួត។ ដោយសារវិធីនេះ ពេលយើងយកសាប៊ូនោះមកប្រើ ដុំសាប៊ូនឹងឡើងរឹង និងអាចប្រើបានយូរ។

2 . កុំបោះចោលកម្ទេចសាប៊ូដែលប្រើហើយនៅសល់តូចៗដោយឥតប្រយោជន៍

គួរប្រមូលទុកនៅក្នុងដបកែវដែលមានមាត់ធំ ហើយចាក់ទឹកចូល រួចអាចប្រើទឹកសាប៊ូនោះបោកខោអាវបាន ឯសាប៊ូដែលប្រើហើយនៅសល់ស្តើងៗតូចៗវិញ អាចរក្សាទុកសម្រាប់លាងដៃបាន ឬក៏ទុកសម្រាប់បោកកន្សែងជូតមុខ ដើម្បីឱ្យមានក្លឹនក្រអូប។

3 . ពេលមាននៅសល់កម្ទេចសាប៊ូដុំតូចៗច្រើន

ចូរប្រមូលយកមកផ្ដុំគ្នា​ រួចយកក្រណាត់ស្តើងៗ(មិនមែនស្បៃ)មករុំខ្ចប់ រួចចងឱ្យណែន ហើយយកទៅជ្រលក់នៅក្នុងទឹកពុះរហូតទាល់តែទន់ រួចយកមកដាក់ត្រាំនៅក្នុងទឹកត្រជាក់វិញ វានឹងក្លាយទៅជាសាប៊ូមួយដុំមូលរឹង ហើយអាចយកទៅប្រើប្រាស់ទៀតបានយ៉ាងងាយស្រួល៕