យោងតាមសារព័ត៌មាន Page Siបានចេញផ្សាយថាថា តារាស្រី Kendall កំពុងតែព្យាយាមទាក់ទងជាមួយនឹងកីឡាករងកីឡាករ Basketball ដែលមានឈ្មោះថា Blake Griffin កាលពីសប្ដាហ៍កន្លងទៅនេះ ដោយនាងបានឧស្សាហ៍ចេញទៅខាងក្រៅជាមួយគេ រហូតដល់នៅជាមួយគ្នាទល់ៗភ្លឺអស់ចំនួន 2 រាត្រីមកហើយ និងនាចុងសប្ដាហ៍កន្លងមកនេះ នាងថែមទាំងបានបណ្ដើរគូស្នេហ៍ទៅកាន់ឆ្នេរសមុទ្រ នឹងលម្ហែកាយនៅឯសណ្ឋាគារ Surf Lodge Hotel ទៀតផង។
អ្នកប្រមាញ់រូបភាពតារាល្បីៗដែលជាប្រភពព័ត៌មានបានថ្លែងប្រាប់សារព័ត៌មានខាងលើថា “ពួកគេមើលទៅដូចជាទើបតែចាប់ផ្ដើមមានទំនាក់ទំនងស្នេហ៍នឹងគ្នាទេ មើលទៅដូចជាមិនសូវស្និទ្ធស្នាលនឹងគ្នាប៉ុន្មានទេ ដូចជានៅអៀនគ្នានៅឡើយ ហើយតារាស្រី Kendall Jenner នៅបានព្យាយាមលាក់លៀមជាមួយកីឡាករបាល់បោះនោះទៀតផង”។
គួរបញ្ជាក់ផងដែរថា បើតាមសារព័ត៌មាន TNZ ដែលបានចេញផ្សាយកាលពីថ្ងៃអាទិត្យកន្លងទៅនេះ បានឱ្យដឹងថា តារាស្រីវ័យ 21 ឆ្នាំរូបនេះ បានបណ្ដើរមនុស្សប្រុសរាងខ្ពស់ស្រឡះម្នាក់ចេញពីក្នុងក្លិបរាត្រីដែលមានឈ្មោះថា Avenue Nightclub ដែលនៅពេលនោះ គ្មាននរណាម្នាក់បានដឹងពីអត្តសញ្ញាណពិតរបស់បុរសនោះឡើយ៕
