ក្រុមហ៊ុន Oppo បានបញ្ចេញនូវរូបភាពថ្មី 1សន្លឹក ដោយបង្ហាញឱ្យដឹងពីចេតនា ដែលគ្រោងនឹងប្រកាសចេញទូរទស្សន៍ឆ្លាតវៃ Smart TV ដំបូងបំផុតរបស់ខ្លួន។
Smart TV របស់ Oppo មិនទាន់មានឈ្មោះពិតទេ តែគេអាចសន្មតហៅថា OPPO TV។ ទូរទស្សន៍នេះ អាចនឹងមានជម្រើសទំហំ2 គឺ 55អ៊ីញ និង 65អ៊ីញ គែមស្ដើងបំផុត ដែលទាំង 2ប្រភេទនេះបំពាក់មកជាមួយនឹងអេក្រង់ល្អ OLED កម្រិត 4K ព្រមជាមួយនឹង refresh rate 120hx និងមានបង្កប់កាមេរ៉ាខាងមុខទៀតផង។
រីឯឧបករណ៍បំពងសំឡេង គឺ Oppo បានសហការជាមួយក្រុមហ៊ុនបច្ចេកវិទ្យាមួយរបស់ប្រទេស ដាណឺម៉ាក។ ចំពោះលក្ខណសម្បតិ្តផ្សេងៗទៀត និងតម្លៃរបស់វា សូមរង់ចាំនៅថ្ងៃទី19 តុលា 2020 ខាងមុខនេះ៕
