ថ្មីៗនេះ គេបានឃើញសេចក្តីជូនដំណឹងដោយ ក្រុមហ៊ុន Rosoboronexport របស់រុស្ស៊ី បានប្រកាសថា ក្រុមហ៊ុនគ្រោងបញ្ចេញលក់ប្រព័ន្ធសព្វាវុធចំនួន 50ប្រភេទ រួមមាន យន្តហោះចម្បាំង រថក្រោះ និងខែលមីស៊ីល ជាដើម។
តាមការបញ្ជាក់របស់លោក Alexander Mikheyev នាយកប្រតិបត្តិក្រុមហ៊ុន ទៅកាន់សារព័ត៌មាន TASS ក្នុងវេទិកាយោធាអន្តរជាតិមួយ កាលពីថ្ងៃទី23 ខែសីហា ឆ្នាំ2020 បានលើកឡើងថា៖ “ក្នុងរយៈពេល 5 ឬ 6ឆ្នាំក្រោយ Rosoboronexport គ្រោងលក់ប្រព័ន្ធសព្វាវុធជិត 50ប្រភេទ ទៅទីផ្សារអាវុធអន្តរជាតិ។ ទាំងអស់នេះ គឺជាផលិតផលសម្រេច ដូចជា ប្រព័ន្ធការពារដែនអាកាស, យន្តហោះចម្បាំង និងយន្តហោះដឹកជញ្ជូនយោធា, រថក្រោះ, ឧបករណ៍បម្រើឱ្យកងទ័ពជើងទឹក និងកាំភ្លើងធំ” ។
លោក ក៏បានបញ្ជាក់ច្បាស់ៗអំពីសព្វាវុធមួយចំនួនដែរ ដូចជា រថក្រោះ T-14 Armata, យន្តហោះចម្បាំង Su-57 ជំនាន់ទី5, កាំភ្លើង Kalashnikov, ប្រព័ន្ធរ៉ាដា 59N6-TE ដែលមានសមត្ថភាពអាចចាប់គោលដៅ បានលឿនជាងសំឡេង និងអាវុធយុទ្ធភណ្ឌជាច្រើនទៀត៕
