ក្រុមហ៊ុនផលិតស្មាតហ្វូន មានមូលដ្ឋាននៅប្រទេសចិន ZTE បានប្រកាសបង្ហាញចេញស្មាតហ្វូនម៉ូដែលថ្មី ដោយមានការរចនាស្ដើងបំផុត និងបង្កប់កាមេរ៉ាខាងមុខ នៅក្រោមអេក្រង់ ដំបូងគេបំផុត។
បច្ចេកវិទ្យាដ៏ទំនើប មិនធ្លាប់មានពីមុនមកបែបនេះ ជាមួយនឹងបន្ទះអេក្រង់ Visionox display ដែលជាក្រុមហ៊ុនផលិតបន្ទះអេក្រង់បង្កប់កាមេរ៉ាដ៏ធំមូយគឺ ត្រូវបានគេដឹងតាមរយៈលោក Ni Fei ជាប្រធានផ្នែកគ្រប់គ្រងផលិតផលរបស់ ZTE ដែលបានផូស្តនៅលើបណ្ដាញសង្គម Weibo។
បើទោះជា បច្ចុប្បន្នវាកំពុងនៅជា Prototype ក្ដី តែវាអាចនឹងលេចចេញរូបរាងមកនាពេលឆាប់ៗនេះ ដោយសារតែគេឃើញមានលេខកូដសម្គាល់ model number គឺ ZTE A2121 រួចហើយ។ ស្មាតហ្វូននោះ អាចនឹងមានឈ្មោះថា ZTE A20 និងមាន 5G ផងដែរ។ រីឯថ្ងៃប្រកាសចេញលក់ នៅមិនទាន់ដឹងច្បាស់នៅឡើយទេ៕
