ក្រុមហ៊ុនផលិតស្មាតហ្វូន Motorola គ្រោងនឹងបង្ហាញចេញជាផ្លូវការ នូវស្មាតហ្វូនស៊េរីថ្មី គឺ Motorola Razr5G ឬ Rar2020 ។ ដំណឹងនេះ បានលេចឡើងក្រោយពេលក្រុមហ៊ុន បានបង្ហោះរូបភាព 1ផ្ទាំងដែលសរសេរថា រង់ចាំមើល! ថ្ងៃទី9 ខែសីហា ឆ្នាំ2020 ខាងមុខនេះ។
យោងតាមដំណឹងផ្សេងៗ បានឱ្យដឹងថា ស្មាតហ្វូនដែលមានរូបរាងបត់បានជំនាន់ទី2 នេះ នឹងបំពាក់ឈីប Snapdragon 765 មាន RAM 8GB មេម៉ូរី 256GB ថ្មទំហំ 2845 mAh មានកាមេរ៉ាក្រោយទំហំ 48MP និងកាមេរ៉ាមុខ 20MP និងដំណើការដោយ Android 10។
សូមជម្រាបជូនថា ក្រុមហ៊ុនដ៏ល្បីល្បាញកាលពីអតីតមួយនេះ បានផលិតចេញស្មាតហ្វូនបត់បានជំនាន់ទី1 និងចេញលក់ម្ដងរួចហើយ កាលពីដើមឆ្នាំ2019 មានតម្លៃចាប់ផ្តើមប្រមាណជា 1,500ដុល្លារអាមេរិក៕
