Lionel Messi ខ្សែប្រយុទ្ធអាហ្សង់ទីន បានរងបួស ក្នុងអំឡុងពេលការប្រកួតឈ្នះ លើ ក្រុម Napoli ក្នុងលទ្ធផល 3-1 កាលពីសប្ដាហ៍មុន។ Messi បានប៉ះទង្គិចជាមួយខ្សែការពារ Kalidou Koulibaly ក្នុងការប្រកួត រហូតមានបាល់ប៉េណាល់ទីកើតឡើងទៀតផង។
ជុំវិញស្ថានភាពរបួសនេះ ត្រូវបានវេជ្ជបណ្ឌិតរបស់ក្លិប បានពណ៌នាថា កីឡាកររូបនេះ ត្រូវតែសម្រាកសិន មិនអាចធ្វើការហ្វឹកហាត់បានឡើយ ហើយនឹងត្រូវអវត្តមានក្នុងការប្រកួតវគ្គ 1/4 នៃពានរង្វាន់ UEFA Champions League ទល់នឹងក្រុមអាល្លឺម៉ង់ Bayern Munich ។
រំឭកដែរថា Messi ជាកីឡាករអាហ្សង់ទីន 1រូប ដែលបានលើកពានរង្វាន់ UEFA Champions League ច្រើនជាងគេ ពោលគឺ 4ជំនាន់ (2005–06, 2008–09, 2010–11, 2014–15)៕
