ក្រោយពីបានសាងស្នេហ៍ជាមួយគ្នាអស់រយៈពេលជាច្រើនឆ្នាំកន្លងមក ថ្មីៗនេះកញ្ញា កុល ដាវី ចាប់ផ្ដើមភ័យបុកពោះហើយក្រោយពីមានការសង្ស័យថា មាននារីម្នាក់មកជ្រែកស្នេហ៍រវាងនាងនិងលោក សុខ រក្សា។
តាមរយៈគណនីហ្វេសប៊ុករបស់នាងដែលបានសរសេរពាក្យជាច្រើនឃ្លាធ្វើឱ្យមហាជនមានការសង្ស័យ «ខ្ញុំមិនដឹងថា អ្នកជាមនុស្សប្រុស ឫក៏ស្រី ឫស្រីម្នាក់ក្នុងរូបហ្នឹងទេ អ្នកបង្កើតរឿងនេះឡើងចង់ឱ្យខ្ញុំខឹងគាត់មែន? សុំទោសផង អត់ខឹងទេ រឹតតែស្រឡាញ់គាត់ថែមទៀត ព្រោះបេះដូងស្មោះដែលគាត់ប្រគល់ឱ្យខ្ញុំ និងការយកចិត្តទុកដាក់ថ្នាក់ថ្នមខ្ញុំទាំងផ្លូវកាយ និងផ្លូវចិត្ត គ្មានអ្វីមកបំបែកបានទេ ចង់ផ្តាំថា បើទំនេរគួរតែយកកញ្ចក់មកឆ្លុះហើយស្វែងរកចំណុចអាក្រក់ខ្លួនឯងឱ្យឃើញហើយកែទៅ ដើម្បីកុំឱ្យធ្វើខ្លួនគួរឱ្យសង្វេគអ៊ីចឹងទៀត» 😜😜😜😜😜😜😜😜😜😜😜😜😜😜😜😜
តាមរយៈពាក្យសំដីខាងលើត្រូវបានគេសន្និដ្ឋានថា នាងកំពុងតែមានការបារម្ភពីចំណងស្នេហ៍នាង និងលោក សុខ រក្សា ខ្លាចមានជនទីបីមកជ្រែកស្នេហ៍របស់ខ្លួន គ្រាដែលពុំទាន់បានស្គាល់អត្ដសញ្ញាណអ្នកដែលចង់បំបែកបំបាក់ស្នេហ៍របស់នាងនៅឡើយ។
គួរបញ្ជាក់ថា ចំណងស្នេហ៍រវាងកញ្ញា កុល ដាវី និងលោក សុខ រក្សាត្រូវបានកើតឡើងក្នុងអំឡុងឆ្នាំ2015 ខណៈពួកគេបានទៅសម្ដែងរួមគ្នានៅប្រទេសអាមេរិក និងកាណាដា។ ពិសេសក្រោយពេលពួកគេបានចាប់ផ្ដើមបង្កើតមុខជំនួញរួមគ្នាដែលមានទាំងភោជនីយដ្ឋាន និងវង់តន្រ្ដីដែលត្រូវចាយទុនរួមគ្នាអស់ជាច្រើនម៉ឺនដុល្លារ៕
