ក្រសួងអប់រំ យុវជន និងកីឡា បានប្រកាសថាក្នុងឆ្នាំ2020នេះ ក្រោមគម្រោងព្រះរាជឧបត្ថម្ភដល់ព្រះរាជាណាចក្រកម្ពុជាលើវិស័យអប់រំ របស់ព្រះអង្គម្ចាស់ក្សត្រិយ៍មហាចក្រី សិរិនថន បានផ្តល់អាហារូបករណ៍ចំនួន 232កន្លែងដល់និស្សិតកម្ពុជា។
ក្នុងចំណោមអាហារូបករណ៍ចំនួន 232កន្លែងនេះ មានកម្រិតថ្នាក់បណ្ឌិតចំនួន 14កន្លែង បរិញ្ញាបត្រជាន់ខ្ពស់ចំនួន 84កន្លែង បរិញ្ញាបត្រចំនួន 129កន្លែង និងថ្នាក់បរិញ្ញាបត្ររងចំនួន 5កន្លែង។ អ្នកដែលអាចដាក់ពាក្យបានអាចជាមន្ត្រីរាជការ និស្សិត សិស្សកម្ពុជា ដើម្បីសិក្សានៅតាមគ្រឹះស្ថានចំនួន 35កន្លែងនៅប្រទេសថៃ។
ការទទួលពាក្យនឹងប្រព្រឹត្តទៅចាប់ពីថ្ងៃផ្សាយដំនឹងនេះរហុតដល់ថ្ងៃទី 21 ខែកញ្ញា ឆ្នាំ2020 នៅការិយាល័យអាហារូបករណ៍ និងកម្មសិក្សានៃនាយកដ្ឋានទំនាក់ទំនងវប្បធម៌ និងអាហារូបករណ៍៕
