31 – វិធីកំចាត់ស្នាមកខ្វក់ស្អឹតៗនៅលើជញ្ជាំងទូទឹកកកនោះគឺ យកប្រេងឆាមកចាក់លើក្រដាសជូតដៃ ហើយយកទៅដុសខាត់លើស្នាមកខ្វក់នោះរហូតទាល់តែស្អាត ធ្វើឱ្យបាន 2 – 3 ដង និងកុំបារម្ភអី ប្រេងឆាមិនបំផ្លាញភាពភ្លឺរលោងរបស់ជញ្ជាំងទូទឹកកទេ
32 . វិធីកំចាត់ក្លិនស្អុយរបស់បំពង់បង្ហូរទឹកអាងលាងចានឱ្យក្រអូបស្រស់ស្រាយឡើងវិញនោះ អាចធ្វើបានដោយការចាក់ម្សៅបេកឃីងសូដា 1 ពែងចូលទៅក្នុងបំពង់បង្ហូរទឹកនោះ ទុកចោល 5 នាទី រួចចាក់ទឹកខ្មេះចូលទៅតាម 1 ពែងទៀត ក្លិនស្អុយដែលភាយចេញមកពីក្នុងបំពង់បង្ហូរទឹកអាងលាងចាននោះនឹងបាត់ឈឹងអស់តែម្តង។
33 . ក្នុងការប្រើថ្នាំដុសខាត់គ្រឿងសង្ហារិម មិនគួរប្រើប្រភេទ ប្រេង ឬក្រមួនញឹកញាប់នោះទេ ព្រោះអាចនឹងធ្វើឱ្យគ្រឿងសង្ហារិមនោះងាយនឹងខូចខាត។
34 . ក្នុងការសម្អាតគ្រឿងសង្ហារិមដែលជាក្រណាត់កូតុងឱ្យបានល្អស្អាត 100%នោះ ចូរប្រើជក់សម្រាប់លាបពណ៌ដែលនៅថ្មីមកបោសសម្អាតតាមកន្លុកកន្លៀតរបស់គ្រឿងសង្ហារិមនោះ ដំណាលគ្នានឹងការជូតសម្អាតវាគ្រប់ពេល។
35 . ការសម្អាតតាមកន្លុកកន្លៀតតូចៗរបស់ចង្កៀងភ្លើងគោម បងៗស្រ្តីមេផ្ទះអាចធ្វើបានដោយការប្រើប្រដាប់ផ្លុំសក់ ផ្លុំបាញ់ខ្យល់ទៅតាមកន្លែងដែលមានប្រឡាក់ធូលីដី ហើយជូតសម្អាតដោយក្រណាត់សើមម្តងទៀត ចង្កៀងភ្លើងគោមនោះនឹងនៅតែមើលទៅឃើញនៅថ្មីរហូត។
(នៅមានត)
