ហើមជើង ជាអាការដែលគួរឱ្យស្អប់ និងមិនគួរឱ្យចង់ជួបប្រទះឡើយសម្រាប់អ្នកកើតជំងឺទឹកនោមផ្អែម ព្រោះជើងជាផ្នែកមួយនៃរាងកាយ ដែលត្រូវរងទុក្ខវេទនាដោយសារការទ្រទម្ងន់ពីរាងកាយ។ សភាវៈហើមបែបនេះ អាចបណ្ដាលមកពីការឡើងទម្ងន់ជ្រុល ហើយបើអ្នកឈរក្នុងរយៈពេលយូរក្នុងពេលធ្វើការ ឬអ្នកត្រូវអង្គុយមួយកន្លែងក្នុងអំឡុងពេលយូរផងដែរនោះ គឺជាមូលហេតុមិនខុសគ្នាប៉ុន្មានទេ ។ កត្តាដែលបានពោលមកនេះ ប្រឈមមុខនឹងការនឿយហត់ និងទម្ងន់ក៏ឡើងខ្លាំងទៀតផង ហើយចុងក្រោយក្លាយជាអាការហើម និងមានអារម្មណ៍មិនសប្បាយចិត្តដែលឃើញសភាពជើងខ្លួនឯងបែបនេះ។
ថ្ងៃនេះគេហទំព័រ ឡារ៉ែន បានពាំនាំអត្ថបទបំបាត់អាការហើមជើង ទោះបីជានៅលើមនុស្សធម្មតា ឬអ្នកជំងឺទឹកនោមផ្អែមក៏ដោយ ក៏នឹងជាសះស្បើយហើយនិងស្រកជាធម្មតាទៅវិញបានដោយមិនចាំបាច់អស់ថវិកាច្រើនឡើយ។
1.ម៉ាញេស្យូម
បន្ទាប់ពីអ្នកធ្វើការនឿយហត់ពេញមួយថ្ងៃ ហើយសង្កេតឃើញជើងរបស់អ្នកហើម នោះអាចមកពីរាងកាយរបស់អ្នកបានទទួលសារធាតុម៉ាញេស្យូមមិនគ្រប់គ្រាន់ ដូច្នោះអ្នកគួរតែទទួលទានអាហារណាដែលមានជាតិម៉ាញេស្យូមឱ្យបានច្រើន វានឹងជួយបន្ថយអាការហើមជើងនេះបានល្អប្រសើរ។
2.មើមខ្ទឹមស
ខ្ទឹមសគឺជាគ្រឿងផ្សំអាហារមួយដែលល្អបំផុត និងជាអាហារដែលមានប្រយោជន៍សម្រាប់រាងកាយ ព្រមទាំងជាឱសថបុរាណសម្រាប់បំបាត់អាការហើម ព្រោះវាជួយពង្រីកបំពង់សរសៃឈាម។
3.ទឹក
ប្រសិនបើអ្នកមានអាការហើមជើងញឹកញាប់ អ្នកគួរតែព្យាយាមបន្ថែមជាតិទឹកឱ្យបានច្រើនចូលទៅក្នុងរាងកាយ វិធីនេះ នឹងជួយកម្ចាត់អំបិលចេញពីរាងកាយបានយ៉ាងល្អប្រសើរ និងជួយបម្រុងសុខភាពឱ្យល្អឡើងវិញ៕
