ជឿថាលោកឪពុកអ្នកម្តាយជាច្រើននាក់ច្បាស់ជាត្រូវជួបនឹងបញ្ហាការរពឹសនៅមិនស្ងៀមរបស់កូនតូចរហូតដល់ថ្នាក់ត្រូវពឹងប្រេងខ្យល់ជាមិនខាន តែក្មេងក្នុងវ័យចង់ចេះចង់ដឹងអ្វីថ្មីៗនេះមានការវិវឌ្ឍផ្នែករាងកាយ សង្គម និងអារម្មណ៍ ដូច្នេះទើបមិនមែនជារឿងចម្លែកឡើយដែលយើងតែងបានឃើញភាពពិសេសរបស់កូនតូច ដែលអាចនឹងធ្វើឱ្យយើងនឹកអស់សំណើច និងឈឺក្បាលដំណាលៗគ្នា។ ថ្ងៃនេះ ឡារ៉ែនសូមនាំយករឿង 13 យ៉ាងរបស់បណ្តាកូនតូចដែលជឿថា ស្ទើរតែគ្រប់ក្រុមគ្រួសារត្រូវតែធ្លាប់ជួបមកជម្រាបជូនដូចតទៅ។
1 . អំឡុងពេលរបស់ក្មេង និងមនុស្សចាស់ច្រើនតែមិនត្រូវគ្នា អាចសង្កេតបានយ៉ាងងាយគឺ ពេលយើងភ្ញាក់ កូនតូចនឹងគេងលក់ តែពេលយើងគេង កូនតូចនឹងស្រែកចេចចាចទៅវិញ។
2 . គំនិតរបស់ក្មេងជាអ្វីដែលយើងនឹកស្មានមិនដល់ ព្រោះពួកគេនៅខ្វះការរៀនយល់ដឹង និងបទពិសោធ ដូច្នេះបើកូនតូចជាទីស្រឡាញ់និយាយអ្វីប្លែកៗចេញមក ក៏កុំទៅភ្ញាក់ផ្អើលអី។
3 . ក្មេងៗច្រើនតែស្រែករកឪពុកម្តាយ ព្រោះលោកអ្នកគឺពិភពលោកទាំងមូលរបស់ពួកគេ។
4 . មិនចាំបាច់នឹកឆ្ងល់ទេ បើឃើញអូនតូចអង្គុយជក់ចិត្តជាមួយអ្វីម្យ៉ាងនោះ ព្រោះក្មេងៗច្រើនតែធ្វើអ្វីដដែលៗទៅមកៗ និងលង់ជក់នៅជាមួយនឹងអ្វីដែលបានដឹងដើម្បីរៀនយល់ដឹងពីរឿងនោះ។
5 . រកក្មេងៗមិនឃើញមែនទេ? មិនមែនជារឿងពិបាកឡើយ គ្រាន់តែដើរតាមរបស់លេងដែលអូនតូចលេងហើយទុកចោលរាយប៉ាយនៅតាមផ្លូវនោះទៅ ធានាថានឹងជួបមិនខាន។
6 . ក្មេងមិនចេះនិយាយកុហកទេ បើមិនជឿសាកសួរទៅមើលថា មានអីជាប់នៅក្រោមភ្នែកអត់? អូនតូចនឹងឆ្លើយភ្លាមថាអត់មានអីណា៎ ឃើញតែស្នាមខ្មៅៗនៅក្រោមភ្នែកប៉ុណ្ណឹងឯង។
7 . គ្រប់យ៉ាងគឺជារឿងកំប្លែងទាំងអស់នៅក្នុងខ្សែភ្នែកក្មេងៗ ពួកគេសើចបានគ្រប់រឿង មិនថាតែកាផោម ស្រីៗដែលដើរទិញអីវ៉ាន់ក្នុងផ្សារទំនើប ឬសូម្បីតែព័ត៌មានភេរវកម្មក្នុងទូរទស្សន៍ក៏ដោយ។
8 . ក្មេងៗត្រូវការភាពកក់ក្តៅ ព្រោះទាំងកាយ និងចិត្ត ពួកគេងាយទន់ជ្រាយណាស់។
9 . កូនតូចកំពូលរពឹសមិនចូលចិត្តងូតទឹកទេ តែកុំឱ្យបានចូលអាងទឹកឱ្យសោះ ព្រះអាទិត្យលិចហើយ ក៏នៅតែមិនទាន់ចង់ឡើងដែរ។
10 . បើបានធ្វើដំណើរតាមរថយន្តយូរៗផងនោះ អូនតូចយើងនឹងនិយាយប៉ប៉ោចអត់ឈប់ឡើយ ជួនកាលសួរនេះសួរនោះរហូតដល់យើងខ្ជិលនឹងឆ្លើយ តែពេលដល់គោលដៅបែរជាគេងលក់ធ្វើព្រងើយ។
11 . ធ្វើខ្លួនសុភាពរាបសាត្រឹមត្រូវពេលនៅនឹងមុខលោកតាលោកយាយ តែពេលនៅជាមួយយើងវិញ មហាសែនរពឹសរហូតស្មានថាជាកូនស្វា។
12 . ចង់ធ្វើជាមេចុងភៅតូច បង្អួតស្នាដៃក្នុងការធ្វើម្ហូបអាហារ តែមិនបានដឹងឡើយថា ពេលចូលទៅនៅក្នុងចង្រ្កានបាយហើយ សភាពប្រឡូកប្រឡាក់ខ្ទេចខ្ទីខ្លាំងជាសង្រ្គាមលោកលើកទីពីរទៅទៀត។
13 . ក្មេងៗច្រើនតែឆាប់ខឹង និងមួម៉ៅ អាណាព្យាបាលគួរតែសួរអំពីមូលហេតុដោយចិត្តត្រជាក់ វាមិនមែនជាអាការរបស់ជំងឺអ្វីមួយទេ ដូច្នេះមិនបាច់នាំទៅជួបគ្រូពេទ្យទេ គ្រាន់តែនិយាយ សម្រួលអារម្មណ៍ តែមួយភ្លែតអាអូនតូចនឹងត្រឡប់មករីករាយដូចដើមវិញទៅហើយ។
នែ…ឃើញទេ អានហើយនាំគ្នាញញឹមខ្ជិបតែម្តង និងសូមកុំភ្លេចថា ក្មេងៗនៅត្រូវធំធាត់ និងរៀនយល់ដឹងពីអ្វីៗជាច្រើនទៀត ដូច្នេះឧទាហរណ៍ដែលល្អបំផុតមិនបានស្ថិតនៅក្នុងសៀវភៅនោះទេ តែគឺស្ថិតនៅលើបរិស្ថានជុំវិញខ្លួនទៅវិញទេ ដើម្បីកូនតូចដែលអ្នកមើលថែទាំនៅថ្ងៃនេះ ពួកគេនឹងបានធំធាត់ឡើងក្លាយជាមនុស្សធំដែលស្រស់ស្រាយនៅថ្ងៃខាងមុខ៕
