កាលពីព្រឹកមិញនេះ សហព័ន្ធកីឡាបាល់ទាត់កម្ពុជា បានបញ្ចេញបញ្ជីឈ្មោះកីឡាករយុវជន អាយុក្រោម 19ឆ្នាំ ចំនួន38រូប ដើម្បីហ្វឹកហាត់ត្រៀមទៅចូលរួមក្នុងការប្រកួតពានរង្វាន់ AFC U19 Championship 2020 ដែលអ៊ូបេគីស្ថានធ្វើជាម្ចាស់ផ្ទះនៅថ្ងៃទី14 ដល់31 ខែតុលា ចុងឆ្នាំនេះ ដោយកម្ពុជាបានស្ថិតនៅក្នុងពូលA ដែលជាពូលមរណៈ ដែលមានសុទ្ធតែប្រទេសជើងខ្លាំងគឺ ម្ចាស់ផ្ទះអ៊ូបេគីស្ថាន ឥណ្ឌូនេស៊ី និងអ៊ីរ៉ង់។
កម្ពុជា បានឡើងមកលេងក្នុងពានរង្វាន់ដ៏ធំបំផុតលំដាប់ទ្វីបអាស៊ី AFC U19 Championship នេះ ជាលើកទី1 ក្នុងរយៈពេល 60ឆ្នាំចុងក្រោយ បន្ទាប់ពីជាប់ជាក្រុមលេខ2 ល្អបំផុតក្នុងវគ្គជម្រុះ AFF U19 Championship 2020 ដោយបានយកឈ្នះថៃ ប្រ៊ុយណេ និងកោះម៉ារីណាខាងជើង៕
