Galaxy A42 5G បើទោះជានៅពេលនេះ គេនៅមិនទាន់ដឹងព័ត៌មានច្រើនអំពីវានៅឡើយក៏ដោយ ប៉ុន្តែគេបានដឹងថា វានឹងមានអង្គផ្ទុកទំហំដល់ទៅ 128GB កើនឡើងទ្វេដង បើធៀបនឹង Galaxy A41 ដែលមានទំហំ 64GB មានជម្រើសពណ៌ប្រផេះ ពណ៌ខ្មៅ និងពណ៌ស ។
អ្វីដែលពិសេសនោះគឺ ឆ្នាំក្រោយនេះ Samsung នឹងបញ្ចេញលក់ A42 ជាស្មាតហ្វូន 5G តម្លៃធូរថ្លៃជាងគេថ្មីមួយ ក្នុងចំណោមស្មាតហ្វូន 5G របស់ Samsung។ Samsung បានចាប់ផ្ដើមអភិវឌ្ឍស្មាតហ្វូន Galaxy A ជាមួយការគាំទ្រសេវា 5G សម្រាប់ឆ្នាំ2021 ដែលក្នុងនោះគេបានដឹងថា វាមានលេខកូដ SM-A426B ដែលអាចជា Galaxy A42 សេវា 5G ហើយក្រៅពីនោះ ក្រុមហ៊ុនក៏បានបង្ហាញចេញស្មាតហ្វូន 5G តម្លៃធូរថ្លៃផ្សេងទៀត ដូចជា Galaxy A51 និង Galaxy A71 ផងដែរ។
រំឭកដែរថា Samsung បានបញ្ចេញស្មាតហ្វូន 5G ដំបូងគេ ជាមួយម៉ូដែល Galaxy S10 5G ហើយបានបន្តចេញ Galaxy Note 10 5G ជាមួយត្រកូល Galaxy S20 ទាំង 3ម៉ូដែល ដែលសុទ្ធតែគាំទ្រសេវា 5G ទាំងអស់៕
