បច្ចុប្បន្ននេះ ពិភពលោកកំពុងស្ថិតក្នុងវិបត្តិសេដ្ឋកិច្ចយ៉ាងធ្ងន់ធ្ងរដោយសារតែជំងឺ Covid-19 ដោយក្នុងនោះកម្ពុជាក៏រងផលប៉ះពាល់ផងដែរដោយសារតែប្រទេសដែលជាទីផ្សារសំខាន់ៗរបស់កម្ពុជាមានបញ្ហាសេដ្ឋកិច្ច។
ទោះជាយ៉ាងនេះក្តី ព្រមុខរាជរដ្ឋាភិបាលកម្ពុជាសម្តេចតេជោ ហ៊ុន សែន បានបញ្ជាក់ថា ទោះបីជាមានបញ្ហា Covid-19 ក៏ដោយក៏ព្រលានយន្តហោះកម្ពុជាទាំង3 នៅតែសាងសង់ជាធម្មតា។
ព្រលានយន្តហោះដែលកំពុងសាងសង់នាពេលបច្ចុប្បន្ននេះគឺ៖
- ព្រលានយន្តហោះអន្តរជាតិនៅខេត្តកណ្តាល ត្រូវបានសាងសង់ឡើងលើផ្ទៃដីទំហំ 2,600ហិកតា ចំណាយទុនអស់ 1,500លានដុល្លារអាមេរិក។
- ព្រលានយន្តហោះអន្តរជាតិសៀមរាបថ្មី ត្រូវបានសាងសង់ឡើងលើផ្ទៃដី 700ហិកតា និងចំណាយទុនអស់ 900លានដុល្លារអាមេរិក។
- ការពង្រីកព្រលានយន្តហោះអន្តរជាតិព្រះសីហនុ ដែលនឹងត្រូវចំណាយថវិកាប្រមាណ 15លានដុល្លារអាមេរិក៕
