Rivaldinho ដែលជាកូនប្រុសរបស់អតីតកីឡាករជម្រើសជាតិប្រេស៊ីល Rivaldo បានបង្ហើបឱ្យដឹងថា ខ្លួនចង់មកលេងនៅលីកកំពូលរបស់ប្រទេសក្នុងតំបន់អាស៊ី ដែលមានដូចជាថៃ កូរ៉េខាងត្បូង ឬជប៉ុនជាដើម។
Rivaldinho បានចាប់យកអាជីពបាល់ទាត់តាំងពីឆ្នាំ2014 នៅលីកទី3 របស់ប្រទេសប្រេស៊ីល មុននឹងឡើងមកលេងនៅលីកទី2 ហើយផ្លាស់ទៅលេងនៅតំបន់អឺរ៉ុប ដោយបច្ចុប្បន្នកំពុងលេងឱ្យក្លិប FC Viitorul Constanța ក្នុងលីកកំពូលរបស់ប្រទេសរ៉ូម៉ានី។
ទោះបីជា រូបគេជាកូនរបស់អតីតកីឡាកររបស់ក្លិប Becelona ក៏ពិតមែន ក៏ប៉ុន្តែកីឡាកររូបនេះហាក់មិនសូវជាលេចធ្លោដូចឪពុករបស់គេឡើយ ដោយភាគច្រើនបានត្រឹមជាប់ជាកីឡាករបម្រុងតែប៉ុណ្ណោះ៕
