នៅថ្ងៃម្សិលមិញនេះ មហាជនជាច្រើនបានទទួលដំណឹងគូស្នេហ៍តារាចម្រៀងគូម៉ា មានផ្ទៃពោះមុនពេលរៀបការ ដោយគ្រាន់តែឃើញរូបភាពប៉ុន្មានសន្លឹកបង្ហោះនៅលើបណ្ដាញសង្គមហ្វេសប៊ុក។ យ៉ាងណាមិញ ក៏មានការរិះគន់ចំពោះទំនាក់ទំនាក់ស្នេហារវាងអ្នកទាំងពីរភ្លាមៗ ទើបធ្វើឱ្យតារាស្រី ម៉ៅ គីមធីតា ជាគូស្នេហ៍របស់គូម៉ា ចេញមុខបកស្រាយភ្លែតតែម្ដង។
ដោយឡែកចំពោះរឿងនេះ ត្រូវបានសាម៉ី ខ្លួនប្រាប់អ្នកសារព័ត៌មានឱ្យដឹងទាំងស្រស់ស្រាយ និងសើចតិចៗផងថា៖ «អូហ៍ រូបហ្នឹងថតរឿងម្សិលមិញតើបង ថតឲ្យផលិតកម្ម MKR ជិតដាក់បញ្ចាំងហើយ ព្រោះថតជិតចប់ដែរសាច់រឿងនេះ»។
បន្ថែមពីសម្ដីបដិសេធចំពោះការលេចឮនាងមានផ្ទៃពោះមិនរៀបការដូច្នោះ ម៉ៅ គីមធីតា រៀបរាប់បន្ថែមថា៖ «មិនមានផ្ទៃពោះជាមួយបង គូម៉ា ទេ…ពួកយើងស្រលាញ់គ្នាមែន តែមិនធ្វើចឹងទេ។ យ៉ាងណាមិញ សល់ពេលមិនយូរទៀតទេពួកយើងនឹងរៀបចំកម្មវិធីតាមប្រពៃណីហើយ ដូច្នេះសូមបងប្អូនកុំយល់ច្រឡំ និងវាយតម្លៃគ្រាន់តែឃើញរូបមួយសន្លឹកនេះអី»៕
