ថ្មីៗនេះក្រុមអ្នកស្រាវជ្រាវបានផ្សព្វផ្សាយ ឱ្យអ្នកប្រើប្រាស់ស្មាតហ្វូនដែលប្រើប្រព័ន្ធប្រតិបត្តិការ (Android) ធ្វើបច្ចុប្បន្នភាព ប្រសិនបើគេកំពុងប្រើប្រាស់ប្រព័ន្ធប្រតិបត្តិការ(Android 8 Oreo ឬ Android 9 Pie) ព្រោះថា ជនអនាមិកអាចបញ្ចូលមេរោគ Malware ហើយលួចយកទិន្នន័យរបស់អ្នកប្រើប្រាស់តាមរយៈ Bluetooth ដែលគេឱ្យឈ្មោះថា BlueFrag។
អ្នកស្រាវជ្រាវបានបញ្ជាក់ថា បញ្ហានេះមិនប៉ះពាល់ដល់ប្រព័ន្ធប្រតិបត្តិការ (Android 10) នោះទេ ហើយពួកគេក៏ពុំបានសាកល្បងបញ្ហានេះជាមួយប្រព័ន្ធប្រតិបត្តិការ អេនដ្រយចាស់ៗជាង អេនដ្រយ8 នោះដែរ។
ដើម្បីការពារពីការលួចយកទិន្នន័យ នាយកដ្ឋានប្រឆាំងបទល្មើសបច្ចេកវិទ្យា សូមឱ្យលោកអ្នកគួរតែធ្វើបច្ចុប្បន្នភាពជាបន្ទាន់ ប្រសិនបើក្រុមហ៊ុនទូរស័ព្ទរបស់លោកអ្នកបានធ្វើការកែសម្រួលទាក់ទងនឹងបញ្ហានេះហើយ តែប្រសិនបើពុំមានការធ្វើបច្ចុប្បន្នភាពទេ លោកអ្នកគួរតែបិទប្រព័ន្ធ Bluetooth ចោលនៅពេលដែលលោកអ្នកពុំត្រូវការប្រើប្រាស់វា៕
ប្រភព ៖ នាយកដ្ឋានប្រឆាំងបទល្មើសបច្ចេកវិទ្យា
