ទោះក្នុងស្ថានភាពនេះក៏ដោយ កម្ពុជានៅតែទទួលបានការវិនិយោគថ្មីក្នុងទំហំទឹកប្រាក់ជាង 200លានដុល្លារកាលពីម្សិលម៉ិញនេះ

ថ្មីៗនេះក្រុមប្រឹក្សាអភិវឌ្ឍកម្ពុជាទើបតែប្រកាស​គម្រោងសំខាន់ៗចំនួន 4 ដែលខ្លួនបានសម្រេចចេញវិញ្ញាបនបត្រចុះបញ្ជីរជាស្ថាពរ ក្នុងទំហំទឹកប្រាក់ប្រមាណជាង 252,8លានដុល្លារអាមេរិកក្នុងតំបន់ផ្សេងៗគ្នាក្នុងប្រទេសកម្ពុជា។

គម្រោងទាំងអស់នោះរួមមាន៖

1. ក្រុមហ៊ុន VIRTUS GREEN PLANTATIONS (CAMBODIA) PTE., LTD. ជាគម្រោងបង្កើតកសិដ្ឋានដាំដំណាំកសិ-ឧស្សាហកម្ម មានទីតាំងវិនិយោគស្ថិតនៅតំបន់ប្រើប្រាស់ដោយចីរភាពនៃឧទ្យានជាតិព្រះមុនីវង្ស “បូកគោ” ស្រុកជុំគីរី និងស្រុកទឹកឈូ ខេត្តកំពត មានទុនវិនិយោគប្រមាណ 21.7លានដុល្លារអាមេរិក និងអាចបង្កើតការងារបានចំនួន 2,070កន្លែង។
2. “CAM M J AGRICULTURAL CO., LTD. ជាគម្រោងបង្កើតរោងចក្រកែច្នៃផ្លែឈើគ្រប់ប្រភេទ ដែលមានទីតាំងវិនិយោគស្ថិតនៅភូមិអង្រ្គង ឃុំអង្គពពេល ស្រុកគងពិសី ខេត្តកំពង់ស្ពឺ មានទុនវិនិយោគប្រមាណ 5.5លានដុល្លារអាមេរិក និងអាចបង្កើតការងារបានចំនួន 1,216កន្លែង។
3. HOUNEN SOLAR INC CO., LTD.ជាគម្រោងបង្កើតរោងចក្រផលិត និងផ្គុំដំឡើងបន្ទះសូឡា ដែលមានទីតាំងវិនិយោគស្ថិតនៅភូមិក្តាន់រយ ឃុំដំណាក់អំពិល ស្រុកអង្គស្នួល ខេត្តកណ្តាល មានទុនវិនិយោគប្រមាណ 9.5លានដុល្លារអាមេរិក និងអាចបង្កើតការងារបានចំនួន 250កន្លែង។
4. 4. SPHP (CAMBODIA) CO., LTD.ជាគម្រោងអភិវឌ្ឍន៍វារីអគ្គិសនីស្ទឹងពោធិ៍សាត់១ អនុភាព៨០MW ដែលមានទីតាំងវិនិយោគស្ថិតនៅឃុំប្រម៉ោយ ស្រុកវាលវែង ខេត្តពោធិ៍សាត់ មានទុនវិនិយោគចំនួន 231.1លានដុល្លារអាមេរិក និងអាចបង្កើតការងារបានចំនួន 81កន្លែង៕