ដូចដែលប្រិយមិត្តបានជ្រាបហើយថា រ៉ូលីន ដែលជាតារាពហុជំនាញដ៏ល្បីមួយរូប ប្រចាំសិល្បៈស្រុកខ្មែរ កំពុងត្រូវប៉ាន់មានទីផ្សារការងារខ្ពស់ ថែមទាំងមមាញឹកយ៉ាងខ្លាំង មិនថាតែការច្រៀង ការសម្តែង និងធ្វើជាពិធីការិនីនោះទេ សុទ្ធតែអាចធ្វើបានយ៉ាងល្អ និងទទួលបានការគាំទ្រជាខ្លាំងពីមជ្ឈដ្ឋានមហាជនទៀតផង។
ដោយឡែក ស្របពេលដែល ការងារសិល្បៈកំពុងឡើងកូដបែបនេះ រ៉ូលីន បានផ្លាស់ប្ដូរសម្រស់ខ្លួនឯងស្ទើរតែទាំងស្រុង មើលមិនចង់ស្គាល់ ប្លែកភ្នែកខ្លាំងណាស់។ ក្នុងនោះដែរ បើយោងតាមរូបភាពចុងក្រោយបុន្មានសន្លឹកដែល តារារូបនេះ បានបង្ហោះក្នុងបណ្ដាញសង្គមផ្ទាល់ខ្លួន គេឃើញថា រ៉ូលីន ពីមុនប្រែហើយ ដោយមានច្រមុះខ្ពស់ និងស្រួចជាងមុនដាច់តែម្ដង ថែមទាំងដូចជា ស្រកគីឡូស្លីម ជាងមុនទៀតផង។
ទន្ទឹមនឹងនេះដែរ ស្របពេលដែល រ៉ូលីន មានការផ្លាស់ប្ដូរសឹងតែ180ដឺក្រេបែបនេះ ធ្វើឱ្យហ្វេនៗភ្ញាក់ផ្អើលខ្លាំងណាស់ និងសរសើរពីរូបសម្បត្តិថ្មី របស់រូបគេគ្រប់គ្នា។ សូមជម្រាបថា តារារូបនេះត្រូវបានគេស្គាល់ដំបូងតាមរយៈកម្មវិធី Miss Photo City ហើយកាន់តែមានប្រជាប្រិយភាពខ្លាំងឡើងបន្ទាប់ពីបានចូលក្នុងកម្មវិធីទូរទស្សន៍មួយចំនួន និងបានសម្ដែងរឿង លេងកំប្លែង ជាពិសេសទេពកោសល្យការប្រើសំឡេងរបស់លោក៕
